قىتايدىڭ حانجچوۋ قالاسىندا ءوتىپ جاتقان ازيا پارا ويىندارىندا دزيۋدوشى ەرعالي شامەي جەڭىمپاز اتاندى.

الەم چەمپيونى ەرعالي شامەي J1 ساناتى بويىنشا 73 كەلىگە دەيىنگى سالماقتا فينالدا تاعى ءبىر قازاقستاندىق اسلان نۇرداۋلەتوۆپەن چەمپيوندىق اتاققا تالاستى.

ە.شامەي ا.نۇرداۋلەتوۆتەن 10:0 ەسەبىمەن ايلاسىن اسىردى. اسلانعا كۇمىس جۇلدە بۇيىردى.

وسىلايشا، پارا دزيۋدودان قازاقستان قورجىنىنا ەكىنشى التىن ءتۇستى.

ەسكە سالا كەتەيىك، بۇدان بۇرىن پاراسپورتشى اقمارال ناۋاتبەكتىڭ ازيادا چەمپيونى اتانعانىن جازعان بولاتىنبىز.

سونداي-اق داۆيد دەگتيارەۆ قازاقستان قورجىنىنا تاعى ءبىر التىندى سالدى.

Abai.kz