قازاقستان ۇكىمەتىنىڭ قاۋلىسى بويىنشا اۋەجايلاردىڭ ارنايى بولىنگەن زالدارىندا قىزمەت كورسەتىلەتىن ادامداردىڭ تىزبەسى وزگەرەدى، دەپ حابارلايدى Ulysmedia.kz.

تىزىمگە قازاقستاننىڭ سوت اكىمشىلىگىنىڭ باسشىسى مەن ونىڭ ورىنباسارلارى، سونداي-اق كونستيتۋتسيالىق سوتتىڭ سۋديالارى، سوت القالارىنىڭ توراعالارى مەن جوعارعى سوتتىڭ سۋديالارى قوسىلدى.

بۇدان باسقا، تىزبەگە پارلامەنت پالاتالارى مەن كونستيتۋتسيالىق سوت اپپاراتتارىنىڭ باسشىلارى ەنگىزىلدى.

تىزىمگە بارلىعى 50-دەن استام ادام ەنگەن، ونىڭ ىشىندە پرەزيدەنت، پرەمەر-مينيستر، مينيسترلەر جانە ت. ب بار.

ايتا كەتەيىك، قازاقستاننىڭ سوت اكىمشىلىگىنىڭ باسشىسى – نايل احمەتزاكيروۆ. سەنات، ءماجىلىس جانە كونستيتۋتسيالىق سوت اپپاراتتارىنىڭ باسشىلارى لاۋازىمدارىن ماكسيم سپوتكاي، رەنات اتاەۆ جانە زەرە وتەباەۆا اتقارادى.

قاۋلى 2023 جىلعى 6 قاراشادان باستاپ كۇشىنە ەنەدى.

بۇدان بۇرىن حابارلاعانىمىزداي، قازاقستاندا اۋە قاۋىپسىزدىگى قىزمەتى قۇرىلادى.

كولىك مينيسترلىگى ازىرلەگەن زاڭ جوباسىندا 2022 جىلعى قاڭتارداعى وقيعالار "دەسترۋكتيۆتى ازاماتتاردىڭ ارەكەتتەرىنەن اۋەجايلاردىڭ ستراتەگيالىق نىساندار رەتىندە وسالدىعىن كورسەتتى" دەلىنگەن.

سونداي-اق، قۇجاتتا اۋە قاۋىپسىزدىگى قىزمەتى قىزمەتتىك قارۋدى ساتىپ الۋ، ساقتاۋ جانە پايدالانۋ قۇقىعىنا يە بولاتىنى ايتىلعان.

فوتو: اشىق دەرەككوزدەن

Abai.kz