LDUBB Boxing YouTube بوكس ارناسىنىڭ اۆتورى بۋگ ۋيليامس الەۋمەتتىك جەلىدە WBO جانە IBF نۇسقالارى بويىنشا ورتا سالماقتاعى الەم چەمپيونى، قازاقستاندىق بوكسشى جانىبەك ءالىمحانۇلىنا (15-0, 10 كو) ۇندەۋ جاسادى. بۇل تۋرالى Sports.kz پورتالى حابارلادى.

ۋيليامس Boxingscene.com پورتالىندا ءالىمحانۇلىنىڭ WBC نۇسقاسى بويىنشا ورتا سالماقتاعى «ۋاقىتشا» بەلبەۋ يەگەرى، دومينيكان رەسپۋبليكاسىنىڭ سپورتشىسى كارلوس ادامەستى (23-1, 18 كو) سىنعا العانى تۋرالى باياندالعان جاريالانىمعا جاۋاپ بەردى.

«اقپان ايىنداعى جەكپە-جەككە دايىندال»، - دەپ جازدى ۋيليامس X الەۋمەتتىك جەلىدە.

ول وسى ارقىلى ءالىمحانۇلىنا ادامەسپەن 2024 جىلدىڭ قىسىندا بولاتىن جەكپە-جەكتى مەڭزەدى.

ايتا كەتەيىك، كارلوس ادامەس الەۋمەتتىك جەلىدە جانىبەك ءالىمحانۇلىن جەكپە-جەككە بىرنەشە رەت شاقىردى، الايدا قازاقستاندىق سپورتشى ءوزى تولىققاندى الەم چەمپيونى بولماعاندىقتان، دومينيكاندىقپەن جۇدىرىقتاسۋعا قۇلشىنىس تانىتپاي وتىر.

Abai.kz