الماتى وبلىسى قاراساي اۋدانىندا نۇرسۇلتان نازارباەۆتىڭ تۋعان ءىنىسى بولات ءابىشۇلى نازارباەۆتى اقتىق ساپارعا شىعارىپ سالدى.

مارقۇممەن قوشتاسۋ ءراسىمى شامالعان اۋىلىنداعى ءوزىنىڭ ۇيىندە ءوتتى.

ەسكە سالايىق، اۋىر دەرتكە ۇشىراعان بولات نازارباەۆ 13 قاراشا كۇنى 71 جاسقا قاراعان شاعىندا دۇنيەدەن ءوتتى.

بولات نازارباەۆ 1953 جىلى 23 ناۋرىزدا الماتى وبلىسى قاراساي اۋدانى شامالعان اۋىلىندا دۇنيەگە كەلگەن. 1997 جىلدان باستاپ BN INVEST حولدينگىن باسقاردى. 2016 جىلى «ساليكالى ۇرپاق» قوعامدىق قورىن قۇردى. سول جىلى «پاراسات» وردەنىمەن ماراپاتتالدى.

ەلىمىزدەگى بىرقاتار ستراتەگيالىق سالالارداعى اكتيۆتەردى مونوپوليالىق باسىپ الۋ، سونداي-اق رەيدەرلىك شابۋىلدار جاساۋ سياقتى ارەكەتتەردىڭ كوپشىلىگى بولات نازارباەۆتىڭ ەسىمىمەن بايلانىستىرىلادى.

فوتو: اشىق دەرەككوزدەن

Abai.kz