ءححى عاسىردىڭ سەنساتسياسى – ەشكىم كوزگە ىلمەگەن، ءبىرىنىڭ مەملەكەتتىگى بار، ەكىنشىسىنىكى جوق قوس ەل: ۋكراينا مەن قۇدىستىڭ بەس قارۋى ساي، ارمياسى الەمدەگى ەڭ مىقتى جاراقتالعان ەلدەر سانالاتىن رەسەي مەن ءيزرايلدىڭ تاناۋىن تاسقا سوقتىرۋلارى بولدى.

الەمدە ەكىنشى ارميا سانالعان رەسەيدىڭ ۋكراينادان جەڭىلۋىنە اڭ-تاڭ بولىپ جاتقاندا، قۇدىستىق حاماس 1,5 جارىم ايدان اسا ۋاقىت بويى اقش-تىڭ كۇلشەلى بالاسى يزرايلگە دەس بەرمەي اقىرى دەگەنىنە كوندىرىپ تىندى. ءيا، كوندىرىپ تىندى دەيتىنىمىز كاتار ءسىم-ءى سوعىسۋشى ەكى جاقتى كەلىسسوز ۇستەلىنە وتىرۋعا كوندىرۋگە قام جاساپ جاتقانىن مالىمدەدى.

حاماس باسشىسى يسمايل حانيا «Reuters-كە» كەشە: «قۇدىستىق توپ يزرايلمەن ۋاقىتشا ءبىتىم جاساۋعا دايىن»، - دەپ مالىمدەدى.

ءوز كەزەگىندە حاماس وكىلى يززات ەل-رەشيك «Al-Jazeera» تەلەارناسىنا بەرگەن سۇحباتىندا: «وسى مالىمدەمەنىڭ نەمەن تىناتىنى جاقىن ارادا ءمالىم بولۋعا ءتيىس»، - دەپ حابارلادى.

بۇل كەلىسىم بويىنشا وككۋپاتسيالىق تۇرمەلەردەگى قۇدىستىق بالالار مەن ايەلدەر ەۆرەي ايەلدەرى مەن بالارىنا الماستىرىلاتىن بولادى.

ال بۇگىن يزرايل مەن حاماس بەس كۇندىك ءبىتىم جاساسقانىن كاتار بيلىگى مالىمدەدى. كەلىسىم بويىنشا: حاماس يزرايلدىك 50-دان اسا تۇتقىندى بوساتادى. گازادا 4 كۇنگە ۇرىس قيمىلدارى توقتاتىلادى. ال يزرايل پالەستينالىق تۇتقىنداردى بوساتادى.

حاماس بۇل كەلىسىمدى راستادى. «يزرايلدىك 50 تۇتقىنعا (ايەلدەر مەن بالالار) يزرايل تۇرمەلەرىندەگى پالەستينالىق 150 تۇتقىن (ايەلدەر مەن بالالار) الماستىرىلادى»، - دەدى.

«The Hill» باسىلىمى بايدەن يزرايلگە گازانى اتقىلاۋى مەن بومبلاۋىن دوعارۋعا بۇيىرىق بەرۋگە ءتيىس دەگەندى العا تارتادى. وسىلايشا گازادا ءتورت كۇندىك اتىستى توقاتۋ كەلىسىمى جاسالدى.

ارنايى ۇكىمەت وتىرىسى 6 ساعاتتان اسا ۋاقىتقا سوزىلىپ، بيلەۋشى كواليتسياعا جاتاتىن قارجى ءمينيسترى بەتسالەل سموتريچ باستاعان وڭشىل راديكالدىق پارتيا «ءدىني سيونيزم» جانە ليدەرى ۇلتتىق قاۋىپسىزدىك ءمينيسترى يتامار بەن-گۆير سانالاتىن «ءجويىت كۇشى» پارتيالارى قاساراسىپ باعىپ، «حاماس-پەن ەش كەلىسىمگە كەلۋ مۇمكىن ەمەس» دەپ ايتسا دا، اقىرى كەلىسىمگە قول جەتكىزىلدى.

«Ynet» اقپاراتتىق پورتالى: «ءجويىت كۇشى» پارتياسىنان شىققان مينيستردەن باسقالارى جاقتاپ داۋىس بەردى»، -دەپ جازادى.

«The Times of Israel» پورتالى: «كابميننىڭ تۇتقىنداعى قۇدىستىقتاردى بوساتۋدى رەسمي قۇپتاۋىنا قاتىستى كەيبىرەۋلەرىنىڭ بوساتىلماۋىنا قارسى شىعاتىن قوعامدىق كۇشتەردىڭ سوتتا شاعىنۋى ءۇشىن 24 ساعات ۋاقىتى بار»، - دەپ جازادى. جانە بۇل كەلىسىم بەيسەنبى كۇنى كۇشىنە ەنەدى.

پرەمەر-مينيستر بينيامين نەتانياحۋدىڭ كەڭسەسىنىڭ مالىمدەمەسىندە:

«يزرايل ۇكىمەتى بارلىق تۇتقىنداعىلاردىڭ ءوز ۇيلەرىنە ورالۋىن قالايدى. بۇگىن كەشكىسىن وسى باعىتتاعى جۇمساتارىن باستايدى. سوعان بايلانىستى 4 كۇن ىشىندە ۇرلانعان 80 ايەل مەن بالا بوستان بولىپ، ولار تۇتقىنان بوساتىلاتىن 4 كۇن ىشىندە اتىس-شابىس توقتاتىلادى... قالعان ون ادامنىڭ بوستاتىلۋى ءۇشىن تاعى ءبىر كۇن وق اتىلمايدى. وسى تۇتقىن الماسۋ بىتكەن سوڭ سوعىس قيمىلدارى ودان ارى جالعاسا تۇسەدى...

يزرايل ۇكىمەتى، يزرايل قورعانىس ارمياسى جانە قاۋىپسىزدىك كۇشتەرى  بارشا تۇتقىندارىن بوساتىپ، قۇدىستىق راديكالدى قوزعالىستى (حاماس) تولىق جويۋ ءۇشىن جانە يزرايل مەملەكەتىنە گازا جاقتان ەش قاۋىپ تونبەۋى ءۇشىن سوعىستى جالعاستىرادى»، - دەپ ايتىلادى.

Abai.kz