اشىق نورماتيۆتىك-قۇقىقتىق اكتىلەر پورتالىندا زاپاستاعى وفيتسەرلەردى اسكەري قىزمەتكە شاقىرۋ تۋرالى ۇكىمەت قاۋلىسىنىڭ جوباسى جاريالاندى.

«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسى زاڭىنىڭ 32-بابىنا سايكەس شىعارىلعان ۇكىمەت قاۋلىسىندا ايتىلعانداي، وفيتسەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن اسكەري قىزمەتكە جارامدى جانە ونى وتكەرمەگەن زاپاستاعى وفيتسەرلەر زاڭنامادا بەلگىلەنگەن تارتىپپەن 2024 جىلى جيىرما ءتورت اي مەرزىمگە اسكەري قىزمەتكە شاقىرىلادى.

قاۋلى قوسىمشاسىندا ەلىمىزدىڭ قارۋلى كۇشتەرىنە – 600, ۇلتتىق قاۋىپسىزدىك كوميتەتىنىڭ شەكارا قىزمەتىنە – 80, ىشكى ىستەر مينيسترلىگىنىڭ ۇلتتىق ۇلانىنا – 42 جانە توتەنشە جاعدايلار مينيسترلىگىنە – 30, جالپى 752 وفيتسەردىڭ اسكەري قىزمەتكە شاقىرىلاتىندىعى كورسەتىلگەن.

قۇجات 2023 جىلدىڭ 6 جەلتوقسانىنا دەيىن قوعامدىق تالقىلاۋعا شىعارىلىپ وتىر.

Abai.kz