سەيسەنبى, 16 شىلدە 2024
1476 0 پىكىر 22 قاراشا, 2023 ساعات 15:07

الماتى قالالىق ءبىلىم باسقارماسى باسشىسى ۇستالدى

الماتى قالالىق ءبىلىم باسقارماسى مەملەكەتتىك ساتىپ الۋ ءبولىمىنىڭ باسشىسى ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ ءمالىم ەتتى.

«الماتى قالاسى بويىنشا سىبايلاس جەمقورلىققا قارسى قىزمەت الماتى قالاسى پروكۋراتۋراسىنىڭ ۇيلەستىرۋىمەن ءبىلىم باسقارماسى مەملەكەتتىك ساتىپ الۋ ءبولىمىنىڭ باسشىسىن ۇستادى. ول جەتىم جانە اتا-انا قامقورلىعىنسىز قالعان بالالارعا، مەگاپوليستىڭ ءبىلىم بەرۋ مەكەمەلەرى وقۋشىلارىنا ارنالعان لاگەر ۇيىمداستىرۋ قىزمەتىن كورسەتۋشىدەن 12 ملن تەڭگەدەن استام سومادان 10 پايىز پارا الۋعا ارەكەت جاسادى دەگەن كۇدىككە ءىلىندى. پارا جەتكىزۋشى كومپانيانى كونكۋرستىڭ جەڭىمپازى دەپ تانۋعا ارنالعان»، - دەدى رەسمي وكىل.

ونىڭ اتاپ وتۋىنشە، كومپانيانىڭ بالالار لاگەرىن تولىققاندى ۇيىمداستىرۋ ءۇشىن قاجەتتى ماتەريالدىق جانە ەڭبەك رەسۋرستارى بولماعان. بىراق، كونكۋرستىڭ جەڭىمپازى بولىپ تانىلعان.

«لاۋازىمدى ادام سوت سانكتسياسىمەن قاماۋعا الىندى. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، - دەدى ارمان تىلەۋكەنوۆ.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1226
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1934
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1974