سەنبى, 24 اقپان 2024
827 1 پىكىر 22 قاراشا, 2023 ساعات 15:22

مينيستر: «دەنى ساۋ ادامعا جەڭىلدەتىلگەن يپوتەكا كەرەك ەمەس»

قازاقستاندىق مينيسترلەر ءوز ازاماتتارىنا قاتىستى مەملەكەتتىڭ ۇستانىمىن اشىق كورسەتە باستادى. دەپۋتات داۋلەت مۇقاەۆ ونەركاسىپ ءمينيسترى قانات شارلاپاەۆقا "بۇگىندە جاس وتباسى تۇرعىن ءۇي قۇنىنىڭ 50% -ىن ءبىر ءوزى جيناي الا ما؟» دەگەن ساۋال تاستادى، دەپ حابارلايدى Ulysmedia.kz. 

ماجىلىسمەن بۇگىندە قازاقستاندىقتار ەلىمىزدەگى باعالار مەن يپوتەكالىق باعدارلامالار بويىنشا باسپانا الا المايتىنىن ءسوز ەتتى.

شارلاپاەۆتىڭ ايتۋىنشا، دەنى ساۋ ادام مەن ەڭبەككە قابىلەتتى قازاقستاندىق مەملەكەتكە ءۇمىت ارتپاي، جۇمىس ىستەپ، اقشا جيناۋى ءتيىس. ال جەڭىلدەتىلگەن يپوتەكا حالىقتىڭ الەۋمەتتىك وسال توپتارىنا ارنالعان.

– ەگەر پاتەرلەردە تۇراتىن جاس ءارى دەنى ساۋ ادامداردى سول اسىراۋشىسى جوق جەتىم بالالارمەن، بالاسىنىڭ مۇگەدەكتىگى بار وتباسىلارمەن سالىستىراتىن بولساق، وندا مەملەكەت جۇمىس ىستەۋگە جانە اقشا تابۋعا قابىلەتى جوق الەۋمەتتىك وسال توپتاعى ادامدارعا باسىمدىق بەرۋى كەرەك دەپ سانايمىن. وسى تۇرعىدان قاراعاندا، ەگەر باعدارلاما بار بولسا جانە ونىڭ جاسىنا بايلانىستى شەكتەۋلەر بولسا، وكىنىشكە قاراي، بۇل ادامدار وزدەرىن باسپانامەن قامتاماسىز ەتۋى كەرەك. باسىمدىق جاعدايى ناشار جاندارعا بەرىلۋى كەرەك، – دەپ جاۋاپ بەردى شارلاپاەۆ.

قىسقاسى، ستاتيستيكاعا سۇيەنسەك، دەنى ساۋ ادامعا جەڭىلدەتىلگەن يپوتەكانىڭ اۋىلى الىس. 254 مىڭ الەۋمەتتىك وسال توپتاعى قازاقستاندىقتاردىڭ تەك 3,2 مىڭى عانا جەڭىلدەتىلگەن يپوتەكا العان.

ايتا كەتەيىك، بۇگىن ماجىلىستە تۇرعىن ءۇي ساياساتىن رەفورمالاۋ ماسەلەلەرى بويىنشا زاڭ جوباسىن قاراستىرۋ بارىسىندا دەپۋتات ەلنۇر بەيسەنباەۆ تا تۇرعىن ءۇي كەزەگىندە تۇرعانداردىڭ ماسەلەسىن كوتەرىپ، قانات شارلاپاەۆتى سىنعا العان ەدى.

دەپۋتاتتىڭ سوزىنشە، ەكى جىلدان بەرى كەزەكتە تۇرعان ادامداردىڭ سانى ازايماق تۇگىلى 200 مىڭ ادامعا كوبەيگەن. مۇنداي تەندەنتسيا كەتە بەرسە بەيسەنباەۆ كەزەكتە تۇرعاندار سانى 1 ملن ادامعا كوبەيەتىنىن ايتادى. ال قازاقستاندا بۇگىنگى تاڭدا بىردە-ءبىر يپوتەكالىق باعدارلاما جوق. زاڭناما جاقسارتىلعانىمەن، دەپۋتاتتىڭ سوزىنشە، قازىرگى ادىسپەن باسپانا كەزەگىن ازايتۋ مۇمكىن ەمەس.

Abai.kz

1 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1559
ءالىپبي

لاتىن جايى

بيجومارت قاپالبەك 1628