بەس جاسار قىزدى ولتىرگەنى ءۇشىن ءومىر بويىنا باس بوستاندىعىنان ايىرۋعا سوتتالعان 48 جاستاعى پەدوفيل سايدوليم گايبنازاروۆ ايگىلى «قارا بۇركىت» تۇرمەسىندە جازاسىن وتەيدى، دەپ حابارلايدى Ulysmedia.kz.

ءسابيدى ولتىرگەن قىلمىسكر قاراشا ايىنىڭ باسىندا قاۋىپسىزدىگى بارىنشا قاتاڭ تۇرمەگە جەتكىزىلگەن. وندا ول ءومىرىنىڭ سوڭىنا دەيىن جالعىز كامەرادا وتىرادى. سونىمەن قاتار پەدوفيلدى ءماجبۇرلى حيميالىق كاستراتسيا كۇتىپ تۇر. مەديتسينالىق پرەپارات وعان ايىنا كەمىندە ءبىر رەت ەنگىزىلەدى.

- حيميالىق كاستراتسياعا قاتىستى، سودان كەيىن مەكەمەگە كەلگەننەن كەيىن مەرزىمىن ودان ءارى وتەۋ ءۇشىن سوتتالعان ادام قۇرامىندا وبلىستىق دەڭگەيدەگى ماماندار بار مامانداندىرىلعان پسيحياتريالىق كوميسسيامەن مەديتسينالىق تەكسەرۋدەن وتەدى. بۇدان ءارى كوميسسيانىڭ ناتيجەسى بويىنشا سوتتالعان ادام دارىگەرلىك-كونسۋلتاتسيالىق كوميسسيادان وتەدى، وندا حيميالىق كاستراتسيا جۇرگىزۋ ءۇشىن پرەپاراتتى تاعايىنداۋ بويىنشا شەشىم قابىلدانادى. پرەپارات بۇلشىقەت ىشىنە ەكى اپتادا ءبىر رەت نەمەسە ايىنا ءبىر رەت سالىنادى. بۇل تالداۋ ناتيجەلەرىنە بايلانىستى (تەستوستەروننىڭ تومەندەۋى), – دەپ حابارلايدى قوستاناي وبلىسىنىڭ قاجد.

7 قىركۇيەكتە شىمكەنتتەگى تەرگەۋ يزولياتورىندا 48 جاستاعى پەدوفيل كىسى ءولتىرۋشى سايدوليم عايبنازاروۆقا قاتىستى ۇكىم شىقتى.

ەر ادام ءومىر بويىنا باس بوستاندىعىنان ايىرۋ جازاسىن قاتاڭ رەجيمدەگى كولونيادا وتەيتىن بولدى. سونداي-اق وعان حيميالىق كاستراتسيا جانە ماسكۇنەمدىكتەن ماجبۇرلەپ ەمدەۋ تاعايىندالدى.

سونىمەن قاتار سوتتالعان قىزدىڭ تۋىستارىنا مورالدىق شىعىن رەتىندە 100 ميلليون تەڭگە وتەماقى تولەۋى ءتيىس.

ايتا كەتەيىك، سوت پروتسەسى «پروتسەسكە قاتىسۋشىلاردىڭ قاۋىپسىزدىگىن قامتاماسىز ەتۋ جانە ءتۇرلى شەكتەن شىعۋدىڭ جولىن كەسۋ ءۇشىن» شىمكەنتتەگى تەرگەۋ يزولياتورىنىڭ اۋماعىندا ءوتتى.

ەسكە سالا كەتەيىك، 13 شىلدە كۇنى تۇركىستان وبلىسىندا بۇرىن سوتتالعان ەر ادام 5 جاسار قىزدى زورلاپ ولتىرگەن بولاتىن. قوعامدىق نارازىلىقتان كەيىن جوعارعى سوت مامىر ايىندا پەدوفيلگە جەڭىل ۇكىم شىعارعان تۇركىستان وبلىسى سارىاعاش اۋداندىق سوتىنىڭ توراعاسىن قىزمەتىنەن بوساتۋ تۋرالى ماسەلەنى قوزعادى.

Abai.kz