ۇجىمدىق قاۋىپسىزدىك شارتى ۇيىمىنىڭ باس حاتشىسى يمانعالي تاسماعامبەتوۆ ارمەنيا رەسپۋبليكاسىنىڭ ۇقشۇ-دان كومەك الۋدان باس تارتقانىن مالىمدەدى. ونىڭ ايتۋىنشا، ارمەنيا ۇيىمنان وزىنە كومەك كورسەتۋ جونىندەگى قۇجاتتى الىپ تاستاۋدى وتىنگەن، دەپ جازادى Halyq-uni. 

Deutsche Welle-ءنىڭ مالىمەتىنە قاراعاندا، ۇقشۇ-نىڭ باس حاتشىسى يمانعالي تاسماعامبەتوۆ بۇل ماسەلە جونىندە مينسكىگە بەلارۋس پرەزيدەنتى الەكساندر لۋكاشەنكومەن كەزدەسۋگە بارعاندا ايتقان.

ارميان تاراپى ۇقشۇ-داعى وداقتاستارىمىزدىڭ شەشىمدى تولىق قولداعانىنا قاراماستان، قۇجاتقا ەشقانداي قىزىعۋشىلىق تانىتپادى. ونىڭ ۇستىنە ءبىزدىڭ جۇمىسىمىزدىڭ اياقتالۋ كەزەڭىندە ولار مۇنى كۇن تارتىبىنەن مۇلدە الىپ تاستاۋدى ءوتىندى، – دەدى باس حاتشى.

بۇعان دەيىن ارمەنيا پرەمەر-ءمينيسترى نيكول پاشينيان بەلارۋس پرەزيدەنتى الەكساندر لۋكاشەنكوعا حابارلاسىپ، تەلەفون ارقىلى ءوز ەلىنىڭ ۇقشۇ سامميتىنە قاتىسا المايتىنىن ايتقان بولاتىن. ال ونىڭ الدىندا 2022 جىلعى قاراشادا ەرەۆاندا وتكەن ۇقشۇ سامميتىندە ۇجىمدىق قاۋىپسىزدىك كەڭەسىنىڭ ارمەنياعا كومەك كورسەتۋدى ۇسىنۋ جونىندەگى بىرلەسكەن شارالارى تۋرالى شەشىمىنە قول قويۋدان باس تارتقان ەدى.

2023 جىلى ۇيىمنىڭ توراعاسى قىزمەتىن بەلارۋس اتقارىپ وتىر. ونىڭ قۇۇرامىنا رەسەي، قازاقستان، قىرعىزستان مەن تاجىكستان كىرەدى. الداعى 22-23 قاراشادا مينسكىدە ۇقشۇ-نىڭ ءسامميتى، قورعانىس مينيسترلەرىنىڭ كەڭەسى بولادى.

فوتو: اشىق دەرەككوزدەن

Abai.kz