نازارباەۆ ۋنيۆەرسيتەتى (NU) قامقورشىلىق كەڭەسىنىڭ شەشىمىمەن اسلان ءسارىنجىپوۆ NU-دىڭ اتقارۋشى ۆيتسە-پرەزيدەنتى بولىپ تاعايىندالدى.

ول بۇعان دەيىن قازاقستاننىڭ ءبىلىم جانە عىلىم ءمينيسترى لاۋازىمىندا جۇمىس ىستەگەن جانە NU-دىڭ اشىلۋىنىڭ باسى-قاسىندا بولعان.

سونىمەن قاتار، قك شەشىمىمەن NU-دىڭ جاڭا ۆيتسە-پرەزيدەنتتەرى تاعايىندالدى.

دارحان ءبىلالوۆ، جوعارى ءبىلىم سالاسىنداعى PhD دوكتورى. بۇرىن اباي اتىنداعى قازۇپۋ باسقارما توراعاسى-رەكتورى، پرەزيدەنت جانىنداعى ۇلتتىق عىلىم اكادەمياسىنىڭ ۆيتسە-پرەزيدەنتى قىزمەتتەرىن اتقارعان.

ەرلان شولانوۆ، مۆا ماگيسترى. بۇعان دەيىن نازارباەۆ ۋنيۆەرسيتەتىنىڭ جوعارى ءبىلىم مەكتەبىنىڭ اتقارۋشى ديرەكتورى، Kozybayev University باسقارما توراعاسى-رەكتورى، نارحوز ۋنيۆەرسيتەتى پروۆوستى لاۋازىمدارىن اتقارعان.

اسەل ۋاليەۆا، DBA دوكتورى. بۇعان دەيىن نازارباەۆ ۋنيۆەرسيتەتىنىڭ جوعارى بيزنەس مەكتەبىنىڭ اتقارۋشى ديرەكتورى، ءال-فارابي اتىنداعى قازۇۋ باسقارما مۇشەسى – وپەراتسيالىق قىزمەت جونىندەگى پرورەكتور قىزمەتتەرىن اتقارعان.

NU اكادەميالىق ەركىندىك، مەريتوكراتيا، ترانسپارەنتتىلىك جانە الەۋمەتتىك جاۋاپكەرشىلىك قاعيداتتارىن ۇستانۋدى جالعاستىرادى.

NU-دىڭ جاڭا باسشىلىعىنىڭ الدىندا تۇرعان نەگىزگى مىندەتتەرى ءوزىن-ءوزى قارجىلاندىرۋعا كەزەڭ-كەزەڭىمەن كوشۋ، الەمدىك عىلىمي-ءبىلىم بەرۋ قاۋىمداستىعىمەن ساپالى ينتەگراتسيا جانە ءبىلىم بەرۋ جۇيەسىن دامىتۋ مەن عىلىمي الەۋەتتى ارتتىرۋدا قازاقستاندىق ۋنيۆەرسيتەتتەرمەن تىعىز سينەرگيا ماسەلەلەرى بولىپ قالا بەرەدى.

NU سوڭعى ءتورت جىلدا اتقارۋشى ۆيتسە-پرەزيدەنت قىزمەتىن اتقارعان ارعىن قىپشاقوۆقا العىس ايتادى.

فوتو: عالامتوردان

Abai.kz