ءتىل مەن ءزىل

مەملەكەتتىك ءتىل جايىنداعى جيىندا اشىنىپ سويلەگەن زيالى ۇيىنە كەلگەننەن سوڭ ورىسشا ويلاپ، ورىسشا سويلەيتىن نەمەرەسىنە ۇرسا جازدادى. بىراق دەر كەزىندە توقتالدى. كەلىنىنىڭ كوڭىلىنە كەلەتىنىن ءبىلىپ. كەلىن ءزىلدى ەدى.                     

ءجوندى جازۋشى

 اكىمدى سىرتتاي سىباپ، سىناپ، سىلكىلەپ الاتىن جازۋشى ەندى ءوڭىر باسشىسىنىڭ قابىلدۋىنان بىراق شىقتى. كىسىگە كەزەك بەرەتىن ەمەس. ءوزى عانا ورىپ وتىر.  وبلىس وركەندەپ كەلە جاتىر ەكەن، مەملەكەتتىك باعدارلامالاردىڭ ءبارى دەرلىك بيىك دەڭگەيدە ورىندالعان. وسىنىڭ ءبارىن تىلگە تيەك ەتكەن جازۋشى ءبىرىنشى باسشىعا دا ءبىراز ودا ايتتى. ەندى ويلانىپ وتىر. «وبلىس اكىمى ءجون-جورالعى دەگەندى بىلەتىن جىگىت پا ەكەن»، - دەپ.

جاۋىن مەن قاۋىم

كەنەت جاۋىن جاۋدى. ءجۇز وتىز ازامات ءبىر قولشاتىرعا ۇمتىلدى. ءبارى دە سيعان سەكىلدى ەدى. شەتىندەگى بىرەۋى مالمانداي سۋ بولىپتى. ىشتەرىندەگى تولەرانتتىسى دا سول ما دەرسىڭ.

سىناۋعا سۇراۋ

«جۇمىس ىستەيتىن جەرىڭدى سىناما»، - دەدى اعام. «سۋ ىشكەن قۇدىعىڭا تۇكىرگەنمەن بىردەي»، - دەپ قوستادى جەڭگەم. شىنىمدى ايتسام سول جەردىڭ سۋى ءبىرتۇرلى. كەرمەك تاتي ما، كوبىك اتا ما... مەنەن بۇرىنىراق بىرەۋ قامدانعان سەكىلدى..

ءتىل مەن ءزىل

مەملەكەتتىك ءتىل جايىنداعى جيىندا اشىنىپ سويلەگەن زيالى ۇيىنە كەلگەننەن سوڭ ورىسشا ويلاپ، ورىسشا سويلەيتىن نەمەرەسىنە ۇرسا جازدادى. بىراق دەر كەزىندە توقتالدى. كەلىنىنىڭ كوڭىلىنە كەلەتىنىن ءبىلىپ. كەلىن ءزىلدى ەدى.                     

ءجوندى جازۋشى

 اكىمدى سىرتتاي سىباپ، سىناپ، سىلكىلەپ الاتىن جازۋشى ەندى ءوڭىر باسشىسىنىڭ قابىلدۋىنان بىراق شىقتى. كىسىگە كەزەك بەرەتىن ەمەس. ءوزى عانا ورىپ وتىر.  وبلىس وركەندەپ كەلە جاتىر ەكەن، مەملەكەتتىك باعدارلامالاردىڭ ءبارى دەرلىك بيىك دەڭگەيدە ورىندالعان. وسىنىڭ ءبارىن تىلگە تيەك ەتكەن جازۋشى ءبىرىنشى باسشىعا دا ءبىراز ودا ايتتى. ەندى ويلانىپ وتىر. «وبلىس اكىمى ءجون-جورالعى دەگەندى بىلەتىن جىگىت پا ەكەن»، - دەپ.

جاۋىن مەن قاۋىم

كەنەت جاۋىن جاۋدى. ءجۇز وتىز ازامات ءبىر قولشاتىرعا ۇمتىلدى. ءبارى دە سيعان سەكىلدى ەدى. شەتىندەگى بىرەۋى مالمانداي سۋ بولىپتى. ىشتەرىندەگى تولەرانتتىسى دا سول ما دەرسىڭ.

سىناۋعا سۇراۋ

«جۇمىس ىستەيتىن جەرىڭدى سىناما»، - دەدى اعام. «سۋ ىشكەن قۇدىعىڭا تۇكىرگەنمەن بىردەي»، - دەپ قوستادى جەڭگەم. شىنىمدى ايتسام سول جەردىڭ سۋى ءبىرتۇرلى. كەرمەك تاتي ما، كوبىك اتا ما... مەنەن بۇرىنىراق بىرەۋ قامدانعان سەكىلدى..

تۇڭىلۋگە ءۇڭىلۋ

كورشىم ءتۇڭىلىپ وتىر. كوڭىلىن سۇرادىم. اتىلىپ بەردى. ۇققانىم مىناۋ. «تۇرسىنبەك قاباتوۆتىڭ قالجىڭدارىنا قارق-قارق كۇلىپ، «تراكتورشىنىڭ ماحابباتىن»  تۇششىنا كورەتىندەر اباي اقساقالدان اداسىپ قالعاندار». ء ۇڭىلىپ قاراساڭ قيسىنعا كەلەتىن سەكىلدى مە..

نەتىپ قالعان تەتىك...

انا ءبىر اپەندەنىڭ ايتقانى. «باعزى زاماندا ءبىر تايپا ەلىن ساتۋ جايىندا كەڭەسىپتى. كادىمگىدەي قىزىل كەڭىردەك بولعان. دەپۋتاتتاردىڭ الپىس پايىزى قارسى داۋىس بەرۋگە پاتۋلاسقان. سودان ماسەلە داۋىسقا قويىلىپ، قورتىندى شىعارىلعاندا قارسى بولعان ەشكىم تابىلماپتى. شاماسى تەتىك كىنالى».                         

سەسى كەم سەسسيا

قالاۋلىلار بۇل كۇنى بەلسەنە المادى. كۇن تارتىبىندەگى ماسەلە كىسى قىزىعاتىنداي ەمەس ەكەن. قازاق ءتىلىنىڭ قولدانۋ اياسى. «سەسى جوق تاقىرىپ»، - دەستى ءوزارا. سوسىن تەتريس ويناۋعا كىرىسىپ كەتتى.

كەش پەن كوش

  جاڭا جىلدىق باعدارلامالاردى تالقىلاۋعا قاتىسقانداردىڭ اراسىندا كرەاتيۆتى جىگىت تە بار ەدى. ۇسىنىستىڭ كوبىن ايتقان دا سول. «ورىستار ءوز تاريحىنا ۇڭىلە وتىرىپ ستسەناري جازادى»، - دەدى. «قىتاي حالىق سازىن ىزدەيدى ەكەن». «وزبەكتەر اسپاپتارىن العا شىعارادى». «كارىستەر سالتىن تورگە وزدىرادى». «تۇرىكتەر وتكەنىنەن ەرتەگى جاساپ بەرەدى». وسىنىڭ ءبارىن تىڭداپ العان باسشى شەشىم قابىلدادى. «ورىستىڭ تاريحىنا ۇڭىلە وتىرىپ، كارىس سالتىنىڭ نەگىزىندە تۇرىك ەرتەگىلەرى تارىزدەس ميۋزيكل جاسايمىز. كوشتەن قالىپ جۇرمەيىك».

Abai.kz