تۋىستارىن ىزدەپ قازاقستانعا كەلگەن بەلگيالىق ازامات جانىبەكتىڭ (Jani Eddy J Saveliev) اناسى بولۋى مۇمكىن دەگەن ايەلدىڭ دنق ساراپتاماسى تەكسەرىلدى. الايدا ادىلەت مينيسترلىگىنە قاراستى سوت-ساراپتاما ورتالىعى تەست ناتيجەسى تەرىس شىققانىن حابارلادى. ول ايەل جانىبەكتىڭ اناسى بولماي شىقتى.

«بارمىسىڭ، باۋىرىم؟» رەداكتسياسىنىڭ زەرتتەۋلەرى ناتيجەسىندە «جانىبەكتىڭ (Jani Eddy J Saveliev) اناسى بولۋى مۇمكىن» دەگەن كەلىنشەكتى دنق ساراپتاماسىن ادىلەت مينيسترلىگىنە قاراستى سوت-ساراپتاما ورتالىعى دا تەكسەرگەن ەدى، بىراق تەست ناتيجەسى بويىنشا ول ايەل جانىبەكتىڭ اناسى بولماي شىقتى. كەلەسى اپتا «بارمىسىڭ، باۋىرىم؟» رەداكتسياسى ارقالىققا جول جۇرەدى. جاڭالىق بولسا، قوسىمشا حابارلايمىز.  ەگەر بىلەتىن مالىمەتتەرىڭىز بولسا، رەداكتور اسەل اسقارقىزىنا قۇپيا تۇردە جازۋعا بولادى: +77713219786, - دەلىنگەن قازاق راديوسىنىڭ Instagram-داعى پاراقشاسىندا.

جانىبەك كەتەر الدىندا ءوزىنىڭ كىم ەكەنىن ءبىلۋ ءۇشىن ارقالىق قالالىق پوليتسياسىنا ارىز جازىپ كەتكەن.

ەسكە سالايىق، بەلگيا ازاماتى جانىبەك (Jani Eddy J Saveliev) تۋعان ەلى قازاقستانعا اناسىن، تۋىستارىن، باۋىرلارىن ىزدەپ كەلگەن. ول «بارمىسىڭ، باۋىرىم؟» حابارىنىڭ قوناعى بولدى. جانىبەكتىڭ جاقىندارى ءالى تابىلعان جوق.

Abai.kz