قر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن وتكەن ينۆەستيتسيالاردى تارتۋ جونىندەگى كەڭەستىڭ كەزەكتى وتىرىسىندا جاڭا اقپاراتتىق جۇيە تانىستىرىلدى.

ۇلتتىق تسيفرلىق ينۆەستيتسيالىق پلاتفورما ينۆەستيتسيالىق جوبالاردى كەشەندى سۇيەمەلدەۋ بويىنشا اقپاراتتىق جۇيە قۇرۋدى كوزدەيدى. بۇل بارلىق تاراپقا – كاسىپكەرلەرگە جانە مەملەكەتتىك ورگاندار، قارجى ينستيتۋتتارى مەن كۆازيمەملەكەتتىك سەكتور وكىلدەرىنە بىردەي پايدالى بولادى دەپ كۇتىلۋدە.

تسيفرلىق پلاتفورمانىڭ فۋنكتسيونالى بارلىق پروتسەستى، ونىڭ ىشىندە ينۆەستورلار ءۇشىن قازاقستان رەسپۋبليكاسىندا قولجەتىمدى مەملەكەتتىك قىزمەتتەردى تولىق قامتۋعا مۇمكىندىك بەرەدى.

ينۆەستيتسيالاردى تارتۋ ماسەلەلەرىندە مەملەكەتتىك قىزمەتتەردى تسيفرلاندىرۋ – ۇكىمەتتىڭ باسىم جانە وزەكتى مىندەتتەرىنىڭ ءبىرى. ۇلتتىق ينۆەستيتسيالىق پلاتفورما ەڭ الدىمەن ينۆەستورلار ءۇشىن ازىرلەنىپ جاتقانى اتاپ ءوتىلدى. سوندىقتان ول بارلىق ۇسىنىلعان قولداۋ شارالارىن قامتۋى قاجەت جانە پايدالانۋشىلار ءۇشىن مۇمكىندىگىنشە ىڭعايلى بولۋى كەرەك.

ۇلتتىق ينۆەستيتسيالىق پلاتفورما كوپتەگەن پروتسەستى جەڭىلدەتىپ قانا قويماي، ولاردىڭ اشىقتىعىن قامتاماسىز ەتەدى. بۇل ءوز كەزەگىندە قازاقستاننىڭ ينۆەستيتسيالىق تارتىمدىلىعىن ايتارلىقتاي ارتتىرادى دەپ كۇتىلۋدە. وسىعان بايلانىستى مەملەكەتتىك ورگاندارعا پلاتفورمانى ىسكە قوسۋدى جەدەلدەتۋ جانە جۇيەگە ينۆەستيتسيالىق جوبالار بويىنشا بارلىق دەرەكتى ەنگىزۋ تاپسىرىلدى.

ينۆەستيتسيالاردى تارتۋ جونىندەگى كەڭەستىڭ وتىرىسىندا كولىك، لوگيستيكا، دەنساۋلىق ساقتاۋ جانە تۋريزم سالالارىندا ىسكە اسىرۋ جوسپارلانعان جوبالار دا قارالدى.

اتاپ ايتقاندا، كولىك سالاسىنىڭ ينۆەستيتسيالىق الەۋەتى بويىنشا ءۇاااج جوباسىن ىسكە اسىرۋ مىسالىندا «كونتسەسسيا» مەحانيزمىن ودان ءارى دامىتۋ، سونداي-اق ازاماتتىق اۆياتسيا جانە تەمىرجول كولىگى سالاسىنداعى جوبالار پۋلىن بىرنەشە ەسە ۇلعايتۋ قاجەتتىگى اتاپ ءوتىلدى.

دەنساۋلىق ساقتاۋ سالاسى بويىنشا مەديتسينالىق جابدىقتار ءوندىرىسىن لوكاليزاتسيالاۋ، بيوتەحنولوگيالىق پرەپاراتتار ءوندىرىسىن كەڭەيتۋ جانە كلينيكالار سالۋ سىندى جەكەلەگەن ينۆەستيتسيالىق جوبالار قارالىپ، تاپسىرمالار بەرىلدى.

ايماقتار بويىنشا ۇلىتاۋ وبلىسى اكىمدىگىنىڭ ينۆەستيتسيالار تارتۋ جونىندەگى جۇمىسى قارالدى. بۇگىندە وڭىردە 19 ينۆەستيتسيالىق جوبادان تۇراتىن پۋل قۇرىلعان، ونىڭ شەڭبەرىندە 1700-دەن استام جاڭا جۇمىس ورنىن اشۋ جوسپارلانۋدا.

العا قويىلعان مىندەتتەرگە قول جەتكىزۋ ءۇشىن وڭىرگە ينۆەستيتسيالار تارتۋ بويىنشا قاجەتتى شارالاردى قابىلداۋ كەرەك ەكەنى اتاپ ءوتىلدى. مەملەكەتتىك جانە جەرگىلىكتى اتقارۋشى ورگاندارعا اتالعان بارلىق پروبلەمالىق ماسەلەلەردى قىسقا مەرزىمدە شەشۋ تاپسىرىلدى.

Abai.kz