جۇما, 23 اقپان 2024
46 - ءسوز 1700 1 پىكىر 9 اقپان, 2024 ساعات 17:15

انگليانىڭ توبىنا تۇسپەگەن سەبەبىمىز...

فۋتبولدان قازاقستان قۇراماسى كەزەكتى ۇلتتار ليگاسى جارىسىندا «ۆ» ليگاسىنىڭ 3-توبىنا ءتۇستى. قارسىلاستارىمىز – اۆستريا، نورۆەگيا جانە سلوۆەنيا.

راس، جەرەبە بارىسىندا بەلگىلى سەرب فۋتبولشىسى ا.كولاروۆ ءتورتىنشى قورجىننان (مەنەن باسقالاردىڭ ايتۋىنشا – «سەبەتتەن») «قازاقستان» دەگەن جازۋى بار قاعازدى ەكىنشى بولىپ الىپ شىقتى. ياعني تەلەديدار الدىنداعى جانكۇيەر قاۋىم «ءبىزدىڭ كوماندا 2-توپقا، ياعني انگليا، فينليانديا، يرلانديا قۇرامالارىنا ءتۇستى-اۋ» دەپ ويلادى. الايدا...

الايدا كوممەنتاتورىمىزدىڭ ءوزى جەرەبە رەپورتاجى باسىندا-اق «قازاقستان ەۋروپادان ءسال شالعايىراق جاتقاندىقتان، 8 ساعاتتىق ايىرماسى (ۇشۋ قاشىقتىعى جاعىنان-اۋ دەدىم) بار ەلدەردىڭ، ياعني انگليا، ۋەلس، يرلانديا، يسلانديا كوماندالارىنىڭ تەك بىرەۋىمەن عانا ءبىر توپقا تۇسە الادى» دەپ ءتۇسىندىردى. ال ۆ2 توبىنا انگليا مەن يرلانديا قاتار ەندى، ياعني ەكەۋىمەن بىردەي تۇسە المايتىنىمىز انىق ەدى. امال جوق، ءبىزدى ءبىر توپ ءارى جىلجىتتى دا، قازاقستان ۆ3 توبىندا – اۆستريا، نورۆەگيا، سلوۆەنيامەن وينايتىن بولدى. وكىنىشتىسى، وسىنىڭ ءبارىن بىزگە رەپورتاجدىڭ باس جاعىندا ءتۇسىندىرىپ وتكەن كوممەنتاتوردىڭ ءوزى سوڭىندا ارتىق ەموتسياعا بەرىلەم دەپ، شاتاسىپ كەتتى)))

جەرەبەنىڭ جالپى قورىتىندىسى مىناداي:

«ا» ليگاسى

1-توپ: حورۆاتيا، پورتۋگاليا، پولشا، شوتلانديا

2-توپ: يتاليا، بەلگيا، فرانتسيا، يزرايل

3-توپ: گوللانديا، ۆەنگريا، گەرمانيا، بوسنيا

4-توپ: يسپانيا، دانيا، شۆەيتساريا، سەربيا

«ۆ» ليگاسى

1-توپ: چەحيا، ۋكراينا، البانيا، گرۋزيا

2-توپ: انگليا، فينليانديا، يرلانديا، گرەكيا

3-توپ: اۆستريا، نورۆەگيا، سلوۆەنيا، قازاقستان

4-توپ: ۋەلس، يسلانديا، چەرنوگوريا، تۇركيا

«س» ليگاسى:

1-توپ: شۆەتسيا، ازەربايجان، سلوۆاكيا، ەستونيا

2-توپ: رۋمىنيا، كوسوۆو، كيپر، ليتۆا/گيبرالتار (قاي جەڭگەنى)

3-توپ: ليۋكسەمبۋرگ، بولگاريا، سولت.يرلانديا، بەلارۋس

4-توپ: ارمەنيا، فارەر ارالدارى، سولت.ماكەدونيا، لاتۆيا

«D» ليگاسى

1-توپ: ليتۆا/گيبرالتار (جەڭىلگەنى), سان-مارينو، ليحتەنشتەين

2-توپ: مولدوۆا، مالتا، اندوررا

ويىندار 2024 جىلدىڭ قىركۇيەك، قازان جانە قاراشا ايلارىندا وتەدى.

ساكەن سىبانباي

Abai.kz

1 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1536
ءالىپبي

لاتىن جايى

بيجومارت قاپالبەك 1598