ازاماتتاردى تۇرعىن ۇيمەن قامتاماسىز ەتۋ ماسەلەلەرى ءجيى كوتەرىلدى
قازاقستان رەسپۋبليكاسىنىڭ
پرەمەر-ءمينيسترى و.ا.بەكتەنوۆكە!
دەپۋتاتتىق ساۋال
قۇرمەتتى ولجاس ابايۇلى!
اباي وبلىسىندا حالىقپەن كەزدەسۋلەر وتكىزگەندە كەزەكتە تۇرعان ازاماتتاردى تۇرعىن ۇيمەن قامتاماسىز ەتۋ ماسەلەلەرى ءجيى كوتەرىلدى.
بۇل ماسەلە بارلىق وڭىرلەردە وزەكتى بولىپ تۇر.
ۋاكىلەتتى ورگاننىڭ اقپاراتىنا سايكەس رەسپۋبليكا بويىنشا تۇرعىن ءۇي كەزەگىنە 647 117 ادام تۇر (28.01.2024ج.). سونىڭ ىشىندە، استانا قالاسىندا - 40 مىڭ ادام، الماتى قالاسىندا – 43 مىڭ ادام، تۇركىستان وبلىسىندا – 62 مىڭ ادام، اقتوبە وبلىسىندا – 36 مىڭ ادام كەزەكتە تۇر.
2024 جىلعا رەسپۋبليكالىق بيۋدجەتتەن 5090 پاتەردى سالۋعا 69,3 ملرد. تەڭگە قاراجات بولىنگەن. سونىمەن قاتار، 7 522 پاتەرىمەن كرەديتتىك تۇرعىن ءۇيدى سالۋعا 87 ملرد. تەڭگە قاراستىرىلعان. ول تەك كەزەكتە تۇرعان ادامدار سانىنىڭ 2% عانا تۇرعىن ۇيمەن قامتاماسىز ەتەدى.
اباي وبلىسىندا 19373 ازامات تۇرعىن ءۇي كەزەگىندە تۇر. سونىڭ ىشىندە، سەمەي قالاسىندا 14 000 ادام. سەمەي قالاسىندا ازاماتتاردى قابىلداعاندا كوپتەگەن ازاماتتار تۇرعىن ءۇي ماسەلەسىن كوتەردى. جالعىزباستى، كوپبالالى انالار، مۇگەدەكتىگى بار جاندار كەلدى. كوپ جىلدار كەزەكتە تۇرعان ازاماتتار بار. تۇرعىن ۇيگە مۇقتاج ازاماتتاردىڭ جاعدايى قيىن، تۇراقتى تۇراتىن ۇيلەرى جوق. العان كرەديتتەرى بار، تۇرعىن ءۇي باعدارلامالارىنا قاتىسۋ مۇمكىندىگى جوق، العاشقى جارنانى تولەي المايدى.
قابىلداۋدا بولعان ازاماتتار كەزەكتەن ءۇي العانعا دەيىن ۋاقىتشا تۇراتىن ءۇي، جاتاقحانا بەرۋدى ۇيىمداستىرۋ تۋرالى ۇسىنىسىن جەتكىزدى.
جالپى، كەزەكتە تۇرعانداردى تۇرعىن ۇيمەن قامتاماسىز ەتۋدى جاقسارتۋ باعىتىندا پارلامەنت ءماجىلىسى ءتيىستى زاڭدارعا وزگەرىستەر ەنگىزىپ، جەرگىلىكتى اتقارۋشى ورگاندارعا دايىن تۇرعىن ۇيلەردى ساتىپ الۋ قۇزىرەتى بەرىلدى. قاراجات بولىنسە، كەزەكتە تۇرعان ادامدارعا ءۇي الۋ مۇمكىندىگى ارتادى.
سونداي-اق، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭعا سايكەس مەملەكەتكە قايتارىلعان قاراجات الەۋمەتتىك جوبالارعا، تۇرعىن ۇيمەن قامتاماسىز ەتۋگە دە جۇمسالۋى قاجەت.
«AMANAT» پارتياسىنىڭ سايلاۋالدى باعدارلاماسىندا 730 مىڭنان استام وتباسى ءۇشىن قولجەتىمدى باعاداعى جاڭا تۇرعىن ءۇي سالۋ جوسپارىن ىسكە اسىرۋ قاراستىرىلعان.
وسىعان بايلانىستى، سىزدەن:
- رەسپۋبليكالىق بيۋدجەتتەن تۇرعىن ءۇي سالۋعا قوسىمشا قاراجات ءبولۋ;
- زاڭسىز يەمدەنىلگەن اكتيۆتەردىڭ مەملەكەتكە قايتارىلعان قاراجاتىنىڭ ءبىر بولىگىن تۇرعىن ءۇي قۇرىلىسىنا جانە جاڭا ۇيلەردى ساتىپ الۋعا جۇمساۋ;
- 3 جىلدىق رەسپۋبليكالىق بيۋدجەتتەن جەرگىلىكتى بيۋدجەتكە سۋبۆەنتسيا بەرگەندە تۇرعىن ءۇي سالۋعا، ساتىپ الۋعا قاجەتتى قاراجات قاراستىرۋدى;
- تۇرعىن ءۇي سالۋعا باعالى قاعازدار شىعارۋ ارقىلى قاراجات تارتۋ;
- كەزەكتە تۇرعان ازاماتتاردى تۇرعىن ءۇي كەزەگى كەلگەنگە دەيىن ۋاقىتشا تۇراتىن ۇيمەن قامتاماسىز ەتۋ ماسەلەلەرىن قاراستىرۋىڭىزدى سۇرايمىن.
دەپۋتاتتىق ساۋالعا زاڭنامادا بەلگىلەنگەن تارتىپتە جاۋاپ بەرۋىڭىزدى سۇرايمىز.
نۇرتاي سابيليانوۆ
Abai.kz
