ارمەنيا پرەمەر-ءمينيسترى نيكول پاشينيان ارمەنيانىڭ ۇجىمدىق قاۋىپسىزدىك تۋرالى شارت ۇيىمىنا (ۇقشۇ) قاتىسۋى «توقتاتىلعانىن» حابارلادى.

بۇل تۋرالى ارميان ۇكىمەتىنىڭ باسشىسى France 24 اگەنتتىگىنە بەرگەن سۇحباتىندا ايتتى.

«ءبىزدىڭ ويىمىزشا، ۇجىمدىق قاۋىپسىزدىك تۋرالى شارت ارمەنياعا قاتىستى ورىندالعان جوق. بۇل ءبىزدىڭ نازارىمىزدان تىس قالمايدى. ءبىز وسى شارتقا قاتىسۋىمىزدى توقتاتىپ قويدىق. ەندى نە بولاتىنىن كورەيىك»، - دەدى پاشينيان.

بۇل رەتتە پاشينيان ارمەنياداعى رەسەيدىڭ اسكەري بازاسىن ساقتاۋ ماسەلەسى كۇن تارتىبىندە تۇرعان جوق دەپ سەندىردى.

نيكول پاشينيان سونداي-اق بىرنەشە اي بۇرىن رەسەي «ارميان حالقىن بيلىكتى قۇلاتۋعا اشىق ۇندەگەنىن» ايتادى. ونىڭ ايتۋىنشا، «ماسكەۋدەن كەلگەن بۇل ناسيحات وعان قارسى السىرەگەن جوق».

پاشينيان ارمەنيادا جۇمىلدىرۋدان قاشىپ كەتكەن رەسەيلىك دميتري سەتراكوۆتىڭ ۇستالۋىنا الاڭداۋشىلىق ءبىلدىرىپ، ونى «ۇرلاۋ» دەپ اتادى.

«ءبىز ءوز اۋماعىمىزداعى زاڭسىز ارەكەتتەرگە توزە المايمىز»، - دەدى نيكول پاشينيان جانە «ەگەر ەرەۆاننىڭ تالاپتارى جاۋاپسىز قالاتىن بولسا»، «زارداپتارىمەن» قورقىتتى.

Abai.kz