26 قاراشا قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترىندا قر ەڭبەك سىڭىرگەن قايراتكەرى جابال ەرعاليەۆتىڭ «قاس-قاعىم» مەتافيزيكالىق تراگەدياسىنىڭ پرەمەراسى بولادى. قويۋشى-رەجيسسەرى - ەلىك نۇرسۇلتان.

سپەكتاكلدىڭ قىسقاشا مازمۇنى: «بويجەتكەن جازيرا بەيمالىم دەرتكە ۇشىراعان. وسىلاي دەپ بىلەتىن، سوندىقتان دا «جالعىزى جولىندا جان پيدا»، بىراق، ءوز ءومىرىنىڭ ماعىناسى – مانسابىن دا ءبىر ءسات ەستەن شىعارمايتىن اكەنىڭ قيمىل-قارەكەتى جانە ونىڭ «قاعاناعى قارق، ساعاناعى سارق» ورتاسىنىڭ «قۇندىلىقتارى» - قويىلىمنىڭ ءبىرىنشى قاباتى.
بويجەتكەن جازيرا ەشقانداي دا دەرتكە ۇشىراماعان. سوندىقتان دا «دەنىم ساۋ، مەن تەك ماحابباتقا سەنۋىم كەرەك، سوندا عانا بارلىعىنان قۇلان-تازا ايىعامىن» دەپ پسيحياتر سابيتكە اعىنان جارىلاتىن ونىڭ بىرتە-بىرتە وزگەرەتىن پسيحولوگيالىق-رۋحاني احۋالى قويىلىمنىڭ كەلەسى قاباتى. سپەكتاكلدەگى وقيعالار شىم-شىتىرىعى بىردە اپ-ايقىن بولسا، ەندى بىردە يررەالدىلىق كەڭىستىگىنە شىعادى.
مەتافيزيكالىق تراگەديا ماحابباتسىز، يمانسىز، سەنىمنەن جۇرداي قوعامنىڭ قورقىنىشتى بولمىسىن زەردەلەتۋگە باستايدى.»

سپەكتاكل تۋرالى قويىلىم رەجيسسەرى جانە اكتەرلەردىڭ پىكىرىن وقىرمان نازارىنا ۇسىنۋدى ءجون كوردىك:

ەلىك نۇرسۇلتان،
قويۋشى-رەجيسسەر

26 قاراشا قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترىندا قر ەڭبەك سىڭىرگەن قايراتكەرى جابال ەرعاليەۆتىڭ «قاس-قاعىم» مەتافيزيكالىق تراگەدياسىنىڭ پرەمەراسى بولادى. قويۋشى-رەجيسسەرى - ەلىك نۇرسۇلتان.

سپەكتاكلدىڭ قىسقاشا مازمۇنى: «بويجەتكەن جازيرا بەيمالىم دەرتكە ۇشىراعان. وسىلاي دەپ بىلەتىن، سوندىقتان دا «جالعىزى جولىندا جان پيدا»، بىراق، ءوز ءومىرىنىڭ ماعىناسى – مانسابىن دا ءبىر ءسات ەستەن شىعارمايتىن اكەنىڭ قيمىل-قارەكەتى جانە ونىڭ «قاعاناعى قارق، ساعاناعى سارق» ورتاسىنىڭ «قۇندىلىقتارى» - قويىلىمنىڭ ءبىرىنشى قاباتى.
بويجەتكەن جازيرا ەشقانداي دا دەرتكە ۇشىراماعان. سوندىقتان دا «دەنىم ساۋ، مەن تەك ماحابباتقا سەنۋىم كەرەك، سوندا عانا بارلىعىنان قۇلان-تازا ايىعامىن» دەپ پسيحياتر سابيتكە اعىنان جارىلاتىن ونىڭ بىرتە-بىرتە وزگەرەتىن پسيحولوگيالىق-رۋحاني احۋالى قويىلىمنىڭ كەلەسى قاباتى. سپەكتاكلدەگى وقيعالار شىم-شىتىرىعى بىردە اپ-ايقىن بولسا، ەندى بىردە يررەالدىلىق كەڭىستىگىنە شىعادى.
مەتافيزيكالىق تراگەديا ماحابباتسىز، يمانسىز، سەنىمنەن جۇرداي قوعامنىڭ قورقىنىشتى بولمىسىن زەردەلەتۋگە باستايدى.»

سپەكتاكل تۋرالى قويىلىم رەجيسسەرى جانە اكتەرلەردىڭ پىكىرىن وقىرمان نازارىنا ۇسىنۋدى ءجون كوردىك:

ەلىك نۇرسۇلتان،
قويۋشى-رەجيسسەر
تەاتردىڭ كوركەمدىك تىلىمەن بۇگىنگى قوعامدى قاتار الا وتىرىپ قويىلعان قويىلىم. رەجيسسەر رەتىندە نەگىزگى ماقساتىم وسى سپەكتاكل ارقىلى اۋرۋ قوعامنىڭ وزىندە ماحابباتتىڭ بار ەكەندىگىن كورسەتۋ. سەبەبى قازىرگى قوعامدا ماحاببات جوعالىپ بارا جاتىر. بۇگىنگى نارىقتىق زاماندا تىرشىلىگىن كۇيتتەپ جۇرگەن ادامداردىڭ اراسىنداعى جىلىلىق ازايىپ بارادى. سول ماحابباتقا ءزارۋ، اۋرۋ قوعامنىڭ كورىنىسىن كورسەتكىم كەلدى.
دايىندىق باراسىندا ازداعان قيىندىقتار بولدى. سەبەبى باسقا فورمادا جۇمىس ىستەۋ اكتەرلەردەن دە كوپتەگەن ىزدەنىستى تالاپ ەتەدى. وزىمدە كوپ ىزدەندىم. شەت ەلدەردەن كورگەن-تۇيگەندەرىمدى، عالامتوردان ىزدەگەن دۇنيەلەرىمدى، كىتاپتان العان ءبىلىمىمدى قورىتا وتىرىپ دۇنيەگە كەلگەن تۋىندى.
سپەكتاكل كوتەرگەن ماسەلە ادامزاتقا ورتاق پروبلەما.
ازامات ساتىبالدى،
قازاقستان جاستار وداعى سىيلىعىنىڭ لاۋرەاتى
پەسانى وقىعان كەزدە پەساعا ىشتەي عاشىق بولدىم. ءبىر ايدا شىققان ءرولىم، سەبەبى مەن سپەكتاكلگە كەيىن قوسىلدىم. مەن كەلگەن كەزىمدە سپەكتاكلدىڭ كوپتەگەن دۇنيەلەرى جاسالىنىپ قويىلعان، ماعان قيىنداۋ بولدى. دەگەنمەن رولگە دەگەن ماحابباتىمنىڭ ارقاسىندا وزىمە بەرىلگەن ءرولدى جاساپ شىقتىم دەپ ويلايمىن.
وسى ءرولىم وزگە رولدەرىمە ۇقساماسا ەكەن دەپ كوپ ىزدەندىم. سەبەبى ماعان كوپتەگەن سىن ايتىلىپ جاتادى.
ەلىك نۇرسۇلتانمەن «ۇلى مەن ۇرىدان» كەيىنگى جاساپ وتىرعان ەكىنشى جۇمىسىم. جاقسى رەجيسسەر، وزىندىك پوزيتسياسى بار. اكتەرلەرمەن جاقسى جۇمىس جاساي الادى. پارتنەر رەتىندە زارينا كارمەنوۆامەن ءبىرىنشى رەت رولگە ءتۇسىپ تۇرمىن. زارينا جاستا بولسا تالانتتى اكتريسا.
«قاس-قاعىم» سپەكتاكلى گاۋھارتاس سياقتى قاشالعان سايىن ءنار بەرەتىن، ءوڭ بەرەتىن ادەمى دۇنيە بولادى دەپ سەنەمىن.
زارينا كارمەنوۆا،
اكتريسا
سپەكتاكل نەگىزىنەن كوپتەگەن وزگەرىسكە ءتۇستى. سەبەبى ءبىز پەسانىڭ كوپتەگەن جەرىن وزگەرتىپ، الاتىنىن الىپ، قوساتىنىن قوستىق.
تەاترىمىزدىڭ بەلدى اكتەرلەرىمەن ءبىر ساحنادا پارنەر بولىپ ويناۋ كوپ ىزدەنىستى تالاپ ەتەدى. ءرولدى شىعارۋ ءۇشىن كوپ ىزدەندىم. سەبەبى ماعان رولمەن جۇمىس ىستەۋ وڭايعا تۇسپەدى. ءجۇز پايىز بولماسا دا سپەكتاكل بارىسىندا بولىپ جاتقان وقيعالار مەنىڭ دە ومىرىمدە ۇقساستىق تاۋىپ جاتتى. پارتنەرىم ازامات اعا ساتىبالدىعا ومىردە دە عاشىق بولا باستادىم، سەبەبى ساحنادا ماحابباتتى ويناماي، ونى سەزىنۋ كەرەك. سوندا رول شىنايى، ەش جاساندىلىقسىز شىعادى. مەن وسىنداي اكتەرلىك تاندەم پايدا بولعانىنا قۋانىشتىمىن.
اتالمىش سپەكتاكلمەن حالىقارالىق دەڭگەيدەگى فەستيۆالدەرگە ۇيالماي قاتىسۋعا بولادى دەپ ويلايمىن.

پرەمەرا 26 قاراشا، 13, 25, 28 جەلتوقسان 2013ج.
ماتەريالدى دايىنداعان: سالتانات ابىلعازيەۆا
اباي-اقپارات