«تازا قازاقستان» اكتسياسىنا اسسامبلەيا وكىلدەرى دە قاتىستى. 

بۇل اكتسياعا قالا اۋماعىن اباتتاندىرۋدى بەلسەندى باستاعان شىمكەنت تۇرعىندارىمەن بىرگە اسسامبلەيا مۇشەلەرى دە ەرەكشە قولداۋ كورسەتتى.
#TazaShym ەكولوگيالىق اكتسياسىنىڭ اياسىندا "قازاقستان - تۇركيا دوستىعى" ساياباعىندا وتكەن ءىس-شاراعا قالا تۇرعىندارى، قوعام بەلسەندىلەرى، اسسامبلەيا مۇشەلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن اۋلالاردى جيناۋ، كوگالداندىرۋ، اعاشتاردى كۇتۋ بويىنشا جۇمىستار جۇرگىزۋدە.

سۋرەت تۇركىستان وبلىسى اكىمدىگىنىڭ ءباسپاسوز قىزمەتىنەن الىندى

اكتسياعا قاتىسۋشىلار ساياباقتاعى قوقىستاردى تازالاپ، ءشوپ ورۋ، اعاشتاردى اكتەۋ، كەسۋ جۇمىستارىن جۇرگىزدى. بۇدان باسقا، شاعىن اۋدانداردىڭ اۋلالارىن، قوقىس جاشىكتەرىن تازالاۋ، ورىندىقتاردى، بالالار الاڭدارى مەن سپورت الاڭشالارىن رەتكە كەلتىرۋ جۇمىستارى جۇرگىزىلدى.

سۋرەت تۇركىستان وبلىسى اكىمدىگىنىڭ ءباسپاسوز قىزمەتىنەن الىندى

تازالىق جۇمىستارىنا 1200-دان استام ادام قاتىسىپ، 17 ارنايى تەحنيكا جۇمىلدىرىلدى، بارلىق اياق جولدار تازالانىپ، 56 م3 قوقىس شىعارىلدى، 14 شاقىرىم يرريگاتسيالىق جۇيەلەر تازالاندى.

ءىس-شاراعا ارميان ەتنو-بىرلەستىگىنىڭ وكىلى ن. ماۆسوسيان، بەلسەندى جاس ا. سۇلتان جانە شىمكەنت قالالىق ءماسليحاتىنىڭ دەپۋتاتى د.قوجامجاروۆا جانە باسقا دا قالا تۇرعىندارى قاتىستى.

Abai.kz