قازاقستانداعى جولاۋشى ۆاگوندارى توزىپ كەتكەن
![](https://abai.kz/content/uploads/2024/05/1052a9e81c6dd127d5728128369367bb-small.jpg)
قازاقستان رەسپۋبليكاسىنىڭ تەمىرجول كولىگىن دامىتۋدىڭ 2029 جىلعا دەيىنگى باعدارلاماسىنىڭ جوباسىندا جولاۋشى ۆاگوندارىنىڭ ورتاشا جاسى بەلگىلى بولدى. بۇل تۋرالى Abai.kz حابارلايدى.
ەلىمىزدەگى جولاۋشىلار ۆاگوندارىنىڭ سانى 2 151-گە تەڭ بولسا، ۆاگونداردىڭ ورتاشا جاسى 17 جىل. ال ۆاگوندار پاركىنىڭ ورتاشا توزۋى – 42,8% قۇراعان. جەكە تاسىمالداۋشىلار پاركى 506 ۆاگوننان تۇراتىن بولسا، ونىڭ 75 پايىزى – 20 جىلدان ەسكى ۆاگوندار.
"سوڭعى ءۇش جىلدا "قتج" ۇك" اق 267 لوكوموتيۆ، ونىڭ ىشىندە 2023 جىلى 113 لوكوموتيۆ ساتىپ الدى. "قتج" ۇك" اق جاڭا لوكوموتيۆتەردى ساتىپ الۋى ەسەبىنەن توزۋ دەڭگەيى 2020 جىلدىڭ قورىتىندىسى بويىنشا 68%-دان 2023 جىلدىڭ سوڭىنا قاراي 52%-عا دەيىن تومەندەدى", – دەلىنگەن قۇجات جوباسىندا.
باعدارلاما مالىمەتىنە سايكەس، قازاقستاندا لوكوموتيۆتەر پاركىندە 1 778 ترانسپورت بار بولسا، ونىڭ ىشىندە 1 151 تەپلوۆوز جانە 527 ەلەكتروۆوز بار. لوكوموتيۆتەردىڭ 96 پايىزى "قازاقستان تەمىر جولىنا" تيەسىلى بولسا، 4 پايىزى جەكە مەنشىكتىڭ ۇلەسىندە.
Abai.kz