ءبىرىنشى كەزەڭ جەڭىمپازى: شىعىس-قازاقستان وبلىسى

16 كوماندا قالدى

19 مامىردا، «ۇلى دالا جورىعى» مارافون-بايگەسىنىڭ ءبىرىنشى كەزەڭى اياقتالدى. تاڭعى 7.00-دە 19 كوماندا پاۆلودار قالاسى ماڭىنداعى «اتامەكەن» ەلدى مەكەنىنەن ەكىباستۇزعا اتتاندى.

ات سپورتى اۋەسقويلارى مەن ەلىمىزدىڭ ءار وڭىرلەرىنىڭ وكىلدەرىن بىرىكتىرەتىن سپورت الەمىندەگى ەرەكشە وقيعا قازاقتىڭ كورنەكتى گەولوگ-عالىمى قانىش ساتباەۆتىڭ 125 جىلدىعىنا ارنالىپ وتىر.

جول قاشىقتىعى 500 شاقىرىمدى قۇرايدى جانە باعىت پاۆلودار، اقمولا وبلىستارىن قامتيدى. مارافون 23 مامىردا استانادا اياقتالادى.

جورىق باعدارلاماسىنا سايكەس، كوماندالار مارافون-بايگەنىڭ العاشقى 100 شاقىرىمىن باعىندىرىپ، ءبىرىنشى كەزەڭنىڭ مارەسى ەكىباستۇز ماڭىندا اياقتالدى.

العاشقى كەزەڭ قورىتىندىسى بويىنشا، شىعىس قازاقستان وبلىسىنىڭ كومانداسى جەڭىمپاز اتاندى. ماڭعىستاۋ وبلىسىنىڭ شاباندوزدارى مارە سىزىعىنا ەكىنشى بولىپ جەتسە، سولتۇستىك-قازاقستان وبلىسىنىڭ كومانداسى ۇشتىككە ىلىكتى.

وكىنىشكە قاراي، العاشقى كەزەڭدە بىردەن ءۇش كوماندا (الماتى مەن قىزىلوردا وبلىستارى، شىمكەنت قالاسى) جارىستان ءارتۇرلى سەبەپتەرمەن شىعىپ قالدى.

«اتتاردىڭ شاما-شارقىن باعامداعان شاباندوزدار سايگۇلىكتەرىن قيناماي، دەر كەزىندە جارىستى توقتاتقاندارى جاقسى شەشىم بولدى»، -  دەيدى باس تورەشى نادەجدا كۋپتسوۆا.

ءبىرىنشى كەزەڭدە باتىس-قازاقستان مەن سولتۇستىك قازاقستان وبلىستارى ەكى اتتان، اباي وبلىسىنىڭ كومانداسىندا ءبىر ات جارىسقا جارامسىز دەپ تانىلدى. جالپى 20 مامىردا 2-كەزەڭدى 16 كوماندا جالعاستىرادى.

 100 كم:

1. شقو - - 5 ساع. 47 مين.
2. ماڭعىستاۋ وبلىسى - 5 ساع. 49 مين.
3. سقو - 5 ساع. 51 مين.
4. جامبىل وبلىسى - 5 ساع. 52 مين.
5. جەتىسۋ وبلىسى - 5 ساع. 55 مين.
6. الماتى قالاسى - 6 ساع. 09 مين.
7. اقمولا وبلىسى - 6 ساع. 23 مين.
8. پاۆلودار وبلىسى - 6 ساع. 29 مين.
9. قوستاناي وبلىسى - 6 ساع. 30 مين.
10. استانا قالاسى - 6 ساع. 35 مين.
11. اباي وبلىسى - 6 ساع. 35 مين.
12. تۇركىستان وبلىسى - 6 ساع. 39 مين.
13. قاراعاندى وبلىسى - 6 ساع. 40 مين.
14. ۇلىتاۋ وبلىسى - 6 ساع. 55 مين.
15. بقو - 6 ساع. 57 مين.
16. كوماندا «رەكورد».

جەڭىمپازداردىڭ ماراپاتى: العاشقى ءۇش جەڭىمپاز 5-ءشى دۇنيەجۇزىلىك كوشپەندىلەر ويىندارى الدىندا 3-7 قىركۇيەك ارالىعىندا وتەتىن  حالىقارالىق مارافون-بايگەگە قاتىسۋعا ليتسەنزيا الادى. حالىقارالىق كەزەڭگە شەت مەملەكەتتەردەن كەمىندە 15 كوماندا قاتىسادى دەپ كۇتىلۋدە (تۇركيا، ساۋد ارابياسى، موڭعوليا، ۆەنگريا، تۇرىكمەنستان، يران، وزبەكستان جانە ت.ب.).

ساراپتامالىق قورىتىندى: مارافون جۇمىسىنا 2 حالىقارالىق جانە 3 قازاقستاندىق سۋديا، سونداي-اق 2 حالىقارالىق جانە 3 قازاقستاندىق مال دارىگەرى قاتىسىپ، جوعارى ستاندارتتاردى ساقتاۋ مەن جىلقىلاردىڭ دەنساۋلىعىنا قامقورلىق جاساۋعا كەپىلدىك بەرەدى.

وتكەن ەكى جىل قاتارىنان ەلىمىزگە ەسىمى تانىمال اۋەسقوي ۆەلوشاباندوز راببيم بوراشوۆ اتتىلى شاباندوزدارمەن بىرگە استانادان تۇركىستانعا دەيىنگى 1200 جانە 1300 شاقىرىمدى باعىندىرعان ەدى. راببيم بوراشوۆ – ماڭعىستاۋ وبلىسى، بەينەۋ اۋدانىنىڭ تۋماسى، قازاقستاننىڭ قۇرمەتتى قۇرىلىسشىسى. سپورتشى بۇل جولى دا 5 كۇندىك الامانعا قاتىسىپ، 500 شاقىرىمدى باعىندىرۋدى ءجون كورىپتى.

جوبانىڭ باستى سەرىكتەسى: قر ۇلتتىق سپورت قاۋىمداستىعى.

قولداۋ كورسەتۋشىلەر: «امانات» پارتياسى، پاۆلودار وبلىستىق اكىمدىگى، قازاقستان رەسپۋبليكاسى سپورت جانە تۋريزم مينيسترلىگى.

اقپاراتتىق سەرىكتەستەر: «قازاقستان»، «حابار»، «استانا» تەلەارنالارى.

«ۇلى دالا جورىعى» – جىلقى بالاسىنىڭ ەڭ مىقتى ءارى ءتوزىمدى تۇقىمى انىقتالاتىن دالالىق لابوراتورياسى.

مارافون جاڭالىقتارىن www.joryq.kz رەسمي سايتىندا، الەۋمەتتىك جەلىلەردە باقىلاڭىز: fb - JORYQ, Instagram - joryqofficial, Tik-Tok - JORYQ, youtube - JORYQ.

باق-پەن ىنتىماقتاستىق جانە ءوزارا ءىس-قيمىل ماسەلەلەرى بويىنشا + 7 777-214-01-71 ءنومىرى بويىنشا راۋان ەسقاليمەن حابارلاسۋلارىڭىزدى سۇرايمىز.

قۇرمەتپەن، «ۇلى دالا جورىعىنىڭ» ۇيىمداستىرۋ كوميتەتى

Abai.kz