جۇما, 19 شىلدە 2024
1083 7 پىكىر 3 ماۋسىم, 2024 ساعات 12:30

قازاقستان تالىبتەردى تەررورلىق ۇيىمدار تىزىمىنەن الىپ تاستادى

سۋرەت: Akorda.kz

ۇقشۇ-عا مۇشە ەلدەر پارلامەنتتەرى پالاتالارىنىڭ سپيكەرلەرىمەن كەزدەسۋىندە قازاقستان پرەزيدەنتى قاسىم-جومارت توقاەۆ اۋعانستانداعى جاعدايعا ايرىقشا توقتالىپ، وڭىرارالىق بايلانىستى بەلسەندى كەرەكتىگىن العا تارتتى.

– قازاقستان تالىبتەر رەجيمىن تەررورلىق ۇيىمدار تىزىمىنەن الىپ تاستادى. ويتكەنى قازىرگى اۋعانستانمەن ساۋدا-ەكونوميكالىق ىنتىماقتاستىقتى دامىتۋ ماڭىزدى ءارى بۇگىنگى رەجيم ۇزاقمەرزىمدى فاكتور بولادى دەپ ويلايمىز، – دەدى مەملەكەت باسشىسى.

پرەزيدەنت الماتىدا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى ايماقتىق ورتالىق قۇرۋ تۋرالى قازاقستاننىڭ باستاماسىن قولداۋعا شاقىردى. سونداي-اق، ۇقشۇ كۇش-جىگەرىن ۇيىم جارعىسىنا سايكەس مۇشە-مەملەكەتتەر ءۇشىن بارىنشا وزەكتى ءارى ءتيىستى جۇمىس باعىتتارىنا جۇمىلدىرۋدى ۇسىندى. قازاقستان اتالعان مىندەتتەردى ۇيىمعا توراعالىق ەتۋ كەزەڭىندە باسىم باعىت رەتىندە بەلگىلەدى. اتاپ ايتقاندا، پرەزيدەنت تەرررورلىق قاۋىپ-قاتەرمەن كۇرەسۋ جانە ۇقشۇ-عا مۇشە ەلدەر ازاماتتارىنىڭ قاۋىپسىزدىگىن قامتاماسىز ەتۋ ءۇشىن پارمەندى شارالار قابىلداۋ قاجەت دەپ سانايدى.

Abai.kz

7 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1293
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2029
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2075