قازاقستاندا ۇلتتىق كىتاپ كۇنى بەلگىلەندى
🗓️23 ءساۋىر - ۇلتتىق كىتاپ كۇنى
📌ۇكىمەت قاۋلىسىمەن قازاقستاندا جاڭا مەرەكە «23 ءساۋىر – ۇلتتىق كىتاپ كۇنى» بەكىتىلدى.
اتالمىش مەرەكە مەملەكەت باسشىسىنىڭ قوعامدا وقۋ مادەنيەتىن قالىپتاستىرۋ ماقساتىندا ءۇشىنشى ۇلتتىق قۇرىلتايدىڭ نەگىزگى سەسسياسىندا بەرگەن تاپسىرماسىنا بايلانىستى بەلگىلەندى.
«كىتاپقۇمارلىق – جاقسى قاسيەت. كوپتەگەن مەملەكەت ۇلتتىق كىتاپ كۇنىن اتاپ وتەدى. ءبىز، ەڭ الدىمەن، جاستاردى كىتاپ وقۋعا باۋلۋىمىز كەرەك. سوندا جاپپاي كىتاپ وقيتىن ۇلتقا اينالامىز»، – دەدى پرەزيدەنت ۇلتتىق قۇرىلتايدىڭ ءۇشىنشى وتىرىسىندا سويلەگەن سوزىندە.
🗓️قاۋلى 2024 جىلعى 16 شىلدەدەن باستاپ قولدانىسقا ەنگىزىلەدى.
ℹ️قر مادەنيەت جانە اقپارات مينيسترلىگىنىڭ ءباسپاسوز قىزمەتى.
سۋرەت: kazgazeta.kz
Abai.kz
