ەلىمىزدەگى ساياسي تۇلعالاردىڭ ماقالا جازۋى ءبىراز نارسەدەن حابار بەرەدى. ۇستانعان نەگىزگى باعىتى، جالپى جوسپارىن اڭعارۋعا بولادى.

كۇنى كەشە «ۆرەميا» گازەتىنە سەنات توراعاسى ماۋلەن ساعاتحانۇلىنىڭ ماقالاسى شىقتى. جوعارعى پالاتانىڭ سپيكەرى كەيىنگى جىلدارى جۇرگىزىلگەن رەفورمالارعا، ەكونوميكالىق ماسەلەلەرگە قاتىستى كوزقاراسىن ءبولىستى.

ماقالادان بىرنەشە مەسسەج بايقاۋعا بولادى. مىسالى، ەگەمەندىكتەن كەيىنگى سۋپەرپرەزيدەنتتىك مودەلدىڭ جەكە باس پايداعا جۇمىس ىستەپ كەتۋىن سىنعا العان. سودان كەيىن نازارباەۆ قىزمەتتەن كەتكەننەن كەيىن قاڭتار وقيعاسىنا دەيىنگى ۋاقىتتا ەلدە «ەكى بيلىكتىڭ» بولعانىن جازىپتى.

نەگىزى، بۇل تاڭعالاتىن نارسە ەمەس قوي. ەلدىڭ ءبارى سونى ايتىپ ءجۇردى. بۇقارالىق اقپارات قۇرالدارى دا تالاي جازدى. بىراق سەنات توراعاسىنىڭ بۇعان پىكىر ءبىلدىرۋى، ەلدەگى باسىلىمداردىڭ بىرىنە ماقالا ەتىپ جازۋى ءبىرىنشى رەت شىعار. بۇعان دەيىن وسىنداي جوعارى ساياسي لاۋازىمدى تۇلعانىڭ كوزقاراسىن اشىق بىلدىرگەنى ەسىمدە جوق.

بىلاي قاراساڭىز، توقاەۆتىڭ بيلىككە كەلۋىمەن ەلدە ءتۇرلى ماسەلە كوبەيگەن سەكىلدى كورىنەدى. شىن مانىندە، مۇنىڭ ءبارى 30 جىل بويعى شىرىگەن جۇيەنىڭ سالدارىنان بولىپ جاتقان وقيعالار. ولاردىڭ ءبارىن ءتىزىپ جازۋدىڭ قاجەتى جوق شىعار. ءبارى كوز الدىمىزدا بولدى عوي.

«نا پەرۆىح پوراح پرەزيدەنتۋ ي ەگو ستوروننيكام پريحوديلوس پرەودولەۆات سكرىتوە، نو ۆيازكوە ي اكتيۆنوە سوپروتيۆلەنيە پرەدستاۆيتەلەي ستارىح ەليت. كرومە توگو، ۆ پەرۆىە جە مەسياتسى دالا و سەبە زنات ينەرتسيا ناكوپلەننىح زا 30 لەت وشيبوك ي وتكلادىۆاۆشيحسيا پروبلەم»، - دەپ جازىپتى ماۋلەن اشىمباەۆ.

ماقالادا كەلتىرىلگەن رەفورمالار تۋرالى پىكىرلەردى، اتقارىلعان جۇمىستاردىڭ ءبارىن مۇندا قايتالاپ جاتقان ارتىق. بىراق ماقالانى تۇسىنە وقىعان ادامعا توقاەۆتىڭ اتقارىپ جاتقان جۇمىسى بۇعان دەيىنگى بيلىكتىڭ جىبەرگەن كەمشىلىكتەرىن رەتتەۋگە ارنالعانى بايقالادى.

دەمەك، بۇل ماقالا – جاي عانا ماقالا ەمەس، ۇلكەن مەسسەج. ەندەشە، الداعى ۋاقىتتا وعان قاتىستى قانداي دا ءبىر شارالار قابىلدانىپ جاتسا، تاڭعالۋدىڭ قاجەتى جوق!

داۋرەن سەيىتجانۇلى

Abai.kz