زەينەتكەر اكادەميكتەر 221 مىڭ تەڭگە ستيپەنديا الادى
![](https://abai.kz/content/uploads/2024/07/IMG_9183.jpeg)
عىلىم جانە جوعارى ءبىلىم مينيسترلىگى ۇلتتىق عىلىم اكادەمياسىنىڭ زەينەت جاسىنداعى عالىمدارى ءومىر بويىنا دەيىن اي سايىن 60 اەك كولەمىندە ستيپەنديا الاتىندىعىن جاريالادى. بۇل تۋرالى مينيسترلىك قاۋلى جوباسىندا جازدى، دەپ حابارلايدى Abai.kz.
اتالعان قاۋلى بيىلعى 1 قىركۇيەكتەن باستاپ كۇشىنە ەنەدى.
"قازاقستان رەسپۋبليكاسى ۇلتتىق عىلىم اكادەمياسىنىڭ زەينەتكەرلىك جاسقا تولعان اكادەميگىنە ءومىر بويعى اي سايىنعى ستيپەنديانىڭ مولشەرى 60 اەك مولشەرىندە بەلگىلەنسىن جانە ونى تولەۋ قاعيدالارى بەكىتىلسىن", – دەپ جازىلعان قاۋلى جوباسىندا.
ستيپەنديا الۋعا ۇمىتكەر اكادەميك ۇلتتىق عىلىم اكادەمياسىنا كەلەسى قۇجاتتاردى وتكىزۋى كەرەك:
ەركىن نىساندا ستيپەنديانى تولەۋگە ءوتىنىش;
- ۇعا اكادەميگى مارتەبەسىن راستايتىن قۇجات (ۇعا اكادەميگى مارتەبەسىن بەرۋ تۋرالى ۇعا وتىرىسىنىڭ حاتتاماسىنان ءۇزىندى);
- قازاقستان رەسپۋبليكاسىنىڭ ازاماتتىعىن راستايتىن قۇجات (قازاقستان رەسپۋبليكاسى ازاماتىنىڭ جەكە كۋالىگىنىڭ نەمەسە پاسپورتىنىڭ كوشىرمەسى);
- ەكىنشى دەڭگەيدەگى بانك ايقىندايتىن نىسان بويىنشا شوتتىڭ بولۋى تۋرالى بانك انىقتاماسى.
ستيپەنديا تولەۋ مىنانداي جاعدايلاردا توقتالادى:
- ۇعا اكادەميگى قايتىس بولسا (قايتىس بولۋ تۋرالى انىقتاما/كۋالىك);
- ۇعا اكادەميگى حابار-وشارسىز كەتسە نەمەسە قايتىس بولدى دەپ جاريالانسا;
- ۇعا قۇرامىنان شىعارىلسا (ۇعا تورالقاسى وتىرىسىنىڭ حاتتاماسىنان ءۇزىندى);
- قازاقستان رەسپۋبليكاسىنىڭ ازاماتتىعى توقتاتىلسا.
Abai.kz