استانادا 1 تامىزدان باستاپ قوعامدىق كولىكتە جول ءجۇرۋ ءتاريفى كوتەرىلەدى، دەپ حابارلايدى Abai.kz.

اكىمدىكتىڭ مالىمەتىنشە، كەيىنگى 10 جىلدا

90 تەڭگەدەن كوتەرىلمەگەن اۆتوبۋستاعى بيلەت قۇنى 1 تامىزدان باستاپ 90 تەڭگەدەن 110 تەڭگەگە دەيىن ارتپاق.

“استانادا قوعامدىق كولىكتە جول ءجۇرۋ قۇنى 1 تامىزدان باستاپ 90 تەڭگەدەن 110 تەڭگەگە دەيىن ارتادى. قالالىق مارشرۋتتاردا جول جۇرۋگە 90 تەڭگە تاريف 2014 جىلعى قىركۇيەكتە بەلگىلەندى. بۇعان دەيىن قاۋلى جوباسى "اشىق نقا" پورتالىندا جاريا تالقىلاۋعا شىعارىلعان بولاتىن”، – دەپ جازدى ۆەدومستۆو.

ايتا كەتەيىك، استانادا جانە قالا ماڭىندا وقيتىن 18 جاسقا دەيىنگى بالالار 2020 جىلعى ناۋرىز ايىنان باستاپ قوعامدىق كولىكتە تەگىن جۇرگەن. بۇدان كەيىن دە سولاي بولادى، بىراق مەكتەپتىڭ كولىك كارتاسى بولۋ كەرەك.

“ۇلى وتان سوعىسىنىڭ قاتىسۋشىلارى مەن مۇگەدەكتەرى جانە ولارعا تەڭەستىرىلگەن ادامدار، زەينەتكەرلەر، سونىمەن قاتار جاسى بويىنشا جانە اسىراۋشىسىنان ايىرىلۋ جاعدايى بويىنشا زەينەتكەرلىك جاسقا تولعان مەملەكەتتىك الەۋمەتتىك جاردەماقى الۋشىلارعا جەڭىلدىك جاسالادى”، – دەيدى اكىمدىك.

Abai.kz