تەگى وسەتين رەسەي ازاماتى، فۋتبول مامانى چەرچەسوۆتىڭ قازاق ءتىلىن كەرەك ەتپەيتىنى جايلى. جالپى ەلىمىزدەگى رەسەيلىك مامانداردىڭ مەملەكەتتىك تىلگە پىسقىرىپ تا قارامايتىنى وتاندىق باق باستى تاقىرىپتارىنىڭ ءبىر.

ەندى كەزىندە ءتىلدى مەنسىنبەگەن چەرچەسوۆ قازاق دەسە جانى قاس رەسەيلىك ارنالاردىڭ ءبىرى «روسسيا 24» تەلەارناسىنىڭ قۇيتۇرقى ساۋالىنا:

«قازاقستان – الىپ ەل، قازاقستان – ار-نامىسىن اياققا تاپتاتپايتىن ەل. ارينە، بارلىق جەردىڭ ءوز كەمشىلىگى مەن ارتىقشىلىعى بار. بۇل كۇندەرى بىرتىندەپ ءسىڭىسىپ كەلەمىن، ءجيى قولدانىلاتىن بىرنەشە ءسوزدى ۇيرەنىپ الدىمەن ودان ءارى ۇيرەنەمىن، بىراق قازاق ءتىلىن تولىق ۇيرەنىپ كەتپەيتىنىم بەلگىلى. نەگىزگى سوزدەردى ءبىلۋىم قاجەت، سوندىقتان بار كۇشىمدى سالامىن»، – دەگەنى قازاقتاردى ءبىر مارقايتىپ تاستادى.

بريفينگ وتكىزگەن كەزدە قازاقستان قۇراماسىنىڭ باس باپكەرى قازاقشا سۇراق قويعان ءتىلشىنىڭ ساۋالىنا شامدانعانىن بارىمىزدە جارىسا جازدىق. وسى جاعداي الەۋمەتتىك جەلىدە قىزۋ تالقىعا ءتۇسىپ، سىنعا ۇشىرادى. اقىرى ناتيجە شىققان سىڭايلى. شىققان سىڭايلى دەگەنىمىز ءوزىنىڭ ءتىل ۇيرەتۋدەگى جەكە ادىستەمەسى بويىنشا قازاق ءتىلىن وقىتاتىن مامان قانات تاسىبەكوۆ ستانيسلاۆ چەرچەسوۆتى ءوز كۋرسىنا قابىلداعان ەدى.

ەندى سونىڭ العاشقى ناتيجەسى قىلاڭ بەردى.

جالپى تەك ورىس ءتىلدى رەسەيلىك مامانداردان مەمەلەكەت ءتىلدى ءبىلۋدى قاتاڭ تالاپ ەتۋىمىز كەرەك. ولاردىڭ ورىس ءتىلى كەڭ جايىلعان بەلارۋس پەن قازاقستاننان باسقا باس جەرى، شىعار تاۋى جوق.

Abai.kz