قوستاناي وبلىسىنداعى پريرەچنوە اۋىلىندا ءىرى قارادان ءسىبىر جاراسى تابىلىپ، كارانتين جاريالاندى. بۇل تۋرالى ازاتتىق جازدى.

قوستاناي وبلىسى اكىمدىگىنىڭ ۆەتەريناريا باسقارماسىنىڭ باسشىسى تولەگەن يمانباەۆتىڭ ايتۋىنشا، ءسىبىر جاراسى اۋىلداعى شارۋا قوجالىقتارىنىڭ بىرىندە انىقتالعان.

"2 تامىزدا كارانتين جاريالاندى، اۋىلعا كىرۋگە شەكتەۋ قويىلدى. قوجالىقتا "رەسپۋبليكالىق ەپيزووتياعا قارسى جاساق" كارانتين بويىنشا جۇمىس ىستەپ جاتىر. ءسىبىر جاراسى 13 باس مالدان انىقتالدى. ادامدارعا جۇقپادى، ولارعا قاۋىپ ءتونىپ تۇرعان جوق، كەيىنگى كۇندەرى ولگەن مال جوق" ، -دەدى ول ازاتتىققا.

يمانباەۆتىڭ سوزىنشە، اۋىلدا مال ءولىمى بولماسا، كارانتين 15 كۇنگە سوزىلادى.

Abai.kz