ۇكىمەت وتىرىسىندا قر وقۋ-اعارتۋ ءمينيسترى عاني بەيسەمباەۆ 2024-2025 وقۋ جىلىنا دايىندىق بارىسى تۋرالى باياندادى، دەپ حابارلايدى ۆەدومستۆونىڭ ءباسپاسوز قىزمەتى.

جاڭا وقۋ جىلىندا بارلىعى 7,9 مىڭ ءبىلىم بەرۋ ۇيىمىندا 3,9 ملن وقۋشى ءۇشىن ساباق باستالادى، ونىڭ ىشىندە 360 مىڭ بالا مەكتەپ تابالدىرىعىن العاش رەت اتتايدى. بۇگىنگى تاڭدا مەكتەپتەردىڭ 90% وقۋلىقپەن قامتىلدى.

سونداي-اق الەۋمەتتىك وسال ساناتتاعى وقۋشىلاردى قولداۋ شارالارى دا جالعاسۋدا. بالالاردى وقۋ قۇرالدارىمەن جانە قاجەتتى تاۋارلارمەن قامتاماسىز ەتۋ ماقساتىندا جالپىعا بىردەي ءبىلىم بەرۋ قورى اياسىندا 22,6 ملرد تەڭگە قاراجات ءبولىندى. ول 510 مىڭ بالانى مەكتەپكە دايىندىقپەن قامتۋعا جۇمسالادى.

سونىمەن قاتار 1 قىركۇيەكتەن باستاپ 1,7 ملن قازاقستاندىق وقۋشى مەكتەپتەردە تەگىن تاماقتانۋمەن قامتىلادى. ولاردىڭ قاتارىندا 1-4 سىنىپ وقۋشىلارى جانە الەۋمەتتىك وسال توپ ساناتىنداعى وتباسى بالالارى بار.

Abai.kz