كەي كەزدە رەسەي ساياساتكەرلەرىنىڭ: «قازاقتا جەر بولماعان، ءبارى ورىستىكى», - دەگەن اۋىز قىشىتاتىن سوزىنە دەن قويعىڭ كەلگەن شاقتا، «اسپان استى ەلى» قانداي ويدا دەگەن پىكىرگە تۇمسىق تۇيىستىرەسىڭ.

بىراق، ءداپ وسى اۋىز قىشىتۋ قىتايدىڭ اۋزىنان شىققان ساتتە ورىستار قانداي كەپكە تۇسەدى دەگەن ويعا قالاسىڭ؟

سونىمەن ءسوزدىڭ توقەتەرىنە كەلەر بولساق: تايۋان پرەزيدەنتى قحر بيلىگىنە ۇندەۋ جاساپ: «الدىمەن  XIX عاسىردا رەسەيگە بەرىلگەن جەرلەرىن قايتارسىن»، - دەدى.

تايۋان پرەزيدەنتى لاي تسيندە قىتايدىڭ تايۋانعا شابۋىلىنا تۇسىنىكتەمە بەرە وتىرىپ، ەگەر قحر بيلىگى ەلدىڭ بىرلىگى مەن اۋماقتىق تۇتاستىعىن قالپىنا كەلتىرۋگە ۇمتىلسا، وندا ولار رەسەيگە ءوزىنىڭ اۋماقتىق تالاپتارىن ۇسىنۋى ءتيىس دەپ مالىمدەدى.

اڭگىمە بۇل ورايدا پريمورسك ولكەسى، حاباروۆسك ولكەسىنىڭ ءبىر بولىگى جانە امۋر وبلىسى تۋرالى بولىپ وتىر.

«نەگە «ايگۋن» شارتىنا سايكەس رەسەي باسىپ العان جەرلەردى قايتارۋعا بولمايدى؟ رەسەي قازىر وتە ءالسىز، سولاي ەمەس پە؟»، - دەدى لاي تسيندە.

تايۋان كوشباسشىسى قحر تايۋانعا اۋماق ءۇشىن شابۋىل جاساماقشى ەكەنىن اتاپ ءوتتى. ونىڭ ايتۋىنشا، قىتاي شىن مانىندە حالىقارالىق ءتارتىپتى وزگەرتىپ، تىنىق مۇحيتىنىڭ باتىس بولىگىندە حالىقارالىق ارەنادا گەگەمونياعا قول جەتكىزگىسى كەلەدى.

قازاق بۇنى «اياز بي ءالىنىڭدى ءبىل، قۇمىرسقا جولىڭدى ءبىل» دەگەنىنە سايادى.

Abai.kz