پرەزيدەنت قاسىم-جومارت توقاەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى، دەپ حابارلايدى اقوردا.

جيىندا پرەمەر-ءمينيستردىڭ ورىنباسارى-ۇلتتىق ەكونوميكا ءمينيسترى نۇرلان بايبازاروۆ، قورعانىس ءمينيسترى رۋسلان جاقسىلىقوۆ، ونەركاسىپ جانە قۇرىلىس ءمينيسترى قانات شارلاپاەۆ ەلىمىزدىڭ قورعانىس قابىلەتىن نىعايتۋ تۋرالى بايانداما جاساعان.

قاۋىپسىزدىك كەڭەسى مەملەكەتتىڭ اسكەري الەۋەتىن ارتتىرۋعا بايلانىستى ۇسىنىلعان تاسىلدەردى، سونداي-اق ارميانى زاماناۋي قارۋمەن، اسكەري تەحنيكامەن، سونىڭ ىشىندە وتاندىق قورعانىس كەشەنى كاسىپورىندارى شىعارعان ونىمدەرمەن جاراقتاندىرۋعا قاتىستى شەشىم شىعارعان.

اقوردا جازعانداي، جيىن سوڭىندا پرەزيدەنت-قاۋىپسىزدىك كەڭەسىنىڭ توراعاسى قاسىم-جومارت توقاەۆ ۇكىمەتكە جانە باسقا دا مۇددەلى مەملەكەتتىك ورگاندارعا ەلىمىزدىڭ اسكەري ۇيىمىن جەتىلدىرۋ باعىتىندا بىرقاتار ناقتى تاپسىرما بەردى.

Abai.kz