ءماجىلىس دەپۋتاتى ەربولات ساتىبالدين كولىك ءمينيسترى مارات قاراباەۆقا اۋە بيلەتتەرىنىڭ قۇنىنا شاعىمدانىپ، ساۋال جولدادى، دەپ حابارلايدى Abai.kz BAQ.KZ-كە سىلتەمە جاساپ.

الەمدە 9-ورىن الاتىن مەملەكەتىمىز ءۇشىن اۋە جولىنىڭ ماڭىزى ايتپاسا دا تۇسىنىكتى. الايدا ۇشاقتىڭ باعاسى كۇن ساناپ اسپانداپ بارادى. استانا – اقتاۋ باعىتىندا بيلەت قۇنى 60 مىڭ تەڭگەدەن تۇسپەسە، جاڭادان قۇرىلعان وبلىستار باعىتىنداعى، استانا-سەمەي 21-60 مىڭ تەڭگە، استانا-جەزقازعان 21-60 مىڭ تەڭگە، استانا-تالدىقورعان باعىتىندا ورتاشا باعامى 40 مىڭ تەڭگە، - دەيدى دەپۋتات.

ءساتىبالديننىڭ ايتۋىنشا، بيلەت قۇنىن اۋەجايدىڭ الىمدارى مەن جانارماي شىعىنى 80 پايىزىنا جۋىعىن قۇراسا، قالعان 20 بولىگى اۋەجاي كومپانياسىنىڭ تابىسى.

ال ەندى ۇشۋ ۋاقىتى تايانعاندا Qazaq air كومپانياسىنىڭ 21 000 تەڭگە ماڭايىندا ساتىلاتىن بيلەتتەردى 60 مىڭعا دەيىن شارىقتاتىپ جىبەرەتىنى قالاي؟ جانارماي مەن اۋەجاي قىزمەتى باعاسى وزگەرمەسە، ءوزىنىڭ تابىسىن بيلەتتىڭ قۇنىنان ءۇش ەسە ءوسىرىپ، قىسىلتاياڭدى پايدالانىپ اشكوزدىكپەن پايدا تاپقانى ما؟ باعانىڭ بۇلاي ديناميكالىق ءوسۋى نارىقتىڭ سۇرانىسىمەن تۇسىندىرەرى حاق، الايدا حالىقتى كىم ويلايدى؟ وقىستان ءولىم-جىتىمگە، شۇعىل شارۋاسى شىققان جانداردىڭ ۇستىنەن پۇل ايىرىپ، قالتاسىن قاعۋ، ادامگەرشىلىككە ساي ما؟! بۇل باعا جۇيەسى حالىقتى قاناۋعا عانا باعىتتالعان، - دەپ ايتتى ەربولات ساتىبالدين.

«ول «لوۋكوستەردىڭ» دە نارقى شارىقتاپ تۇرعانىن ايتتى. دەپۋتات ايتقانداي، لوۋكوستەرمەن 1,5 ساعاتتىق ۇشۋ كورشى ەلدەردىڭ باعاسىنان ەكى ەسە قىمبات. ونىڭ ۇستىنە ۇشاققا بيلەت بولا تۇرا سالونىنداعى ورىندى بولەك ساتىپ الۋعا ءماجبۇرمىز.

جالپى ەلىمىزدە اۋە قاتىناسى حالىق ءۇشىن قولجەتىمسىز. وسى جىلدىڭ 2 قىركۇيەگىندە پرەزيدەنت ق.ك. توقاەۆتىڭ قازاقستان حالقىنا جولداۋىندا كىشى اۆياتسيا الەۋەتىن ونەركاسىپتى دامىتۋ قورى ەسەبىنەن كوتەرۋ تۋرالى ايتىلدى، - دەدى دەپۋتات.

Abai.kz