الماتىدا اسكەري ينستيتۋتتا سەرجانتتىڭ ءمايىتى تابىلدى
تۇركسىب اۋدانىنداعى اسكەري ينستيتۋت ايماعىندا 44 جاسار سەرجانتتىڭ دەنەسى تابىلدى. الدىن-الا مالىمەت بويىنشا، اسكەري قىزمەتكەر وزىنە قول سالۋى ىقتيمال.
الماتى قالاسىنىڭ ىشكى ىستەر دەپارتامەنتى بۇل اقپاراتتى راستادى. «وزىنە قول سالۋعا جەتكىزۋ، ءوزىن-ءوزىن ولتىرۋگە ىقپال ەتۋ» بويىنشا سوتقا دەيىنگى تەرگەۋدى باستاعانىن حابارلادى.
«وسى دەرەك بويىنشا وڭتۇستىك ايماقتىق اسكەري-تەرگەۋ باسقارماسى سوتقا دەيىنگى تەرگەۋدى باستادى. باسقا اقپارات جاريالاۋعا جاتپايدى»، – دەپ حابار تاراتتى الماتى ىشكى ىستەر دەپارتامەنتىنىڭ ءباسپاسوز قىزمەتى.
Abai.kz
