رەسەي سىرتقى ىستەر مينيسترلىگى رەسەيدىڭ يادرولىق سىناقتاردى باستاۋعا «تولىق دايىندىعى» تۋرالى مالىمدەدى.

«جاڭا جەردەگى رەسەيلىك پوليگون يادرولىق سىناقتاردىڭ باستالۋىنا «تولىق دايىن»، - دەپ مالىمدەدى رف ءسىم باسشىسىنىڭ ورىنباسارى سەرگەي ريابكوۆ.

«رەسەي فەدەراتسياسىنىڭ پرەزيدەنتى ناقتىلاعانداي جانە تۇجىرىمداعانداي، ءبىز مۇنداي سىناقتاردى جۇرگىزە الامىز، بىراق سىناقتاردى وتكىزۋ تۇرعىسىنان اقش مۇنداي قادامداردان قالىس قالسا، ءبىز دە تارتىنانتىن بولامىز»، - دەدى ريابكوۆ («ريا نوۆوستي»).

ول جاڭا جەردەگى پوليگوننىڭ دايىندىعىن اقش-تىڭ سوڭعى بىرنەشە جىل بويى «وسى سالاداعى» ينفراقۇرىلىمدى جەتىلدىرۋمەن «ماقساتتى تۇردە» اينالىسىپ كەلە جاتقانىمەن ءتۇسىندىردى.

2023 جىلعى قاراشادا رەسەي پرەزيدەنتى ۆلاديمير پۋتين يادرولىق سىناقتارعا جاپپاي تىيىم سالۋ تۋرالى شارتتى (ياسجتش) كەرى قايتارىپ الۋ تۋرالى زاڭعا قول قويدى.

سونىمەن قاتار، ول ۆاشينگتون ياسجتش-نى ەشقاشان راتيفيكاتسيالاماعانىن، سوندىقتان ماسكەۋ تەپە-تەڭدىكتى ساقتاۋ ءۇشىن ءوزىنىڭ شارتقا قاتىسۋىن توقتاتا تۇرۋعا شەشىم قابىلداعانىن اتاپ ءوتتى. بۇل قۇجات رەسەيگە يادرولىق قارۋدى سىناقتان وتكىزۋگە جانە بەيبىت ماقساتتا يادرولىق جارىلىستاردى جۇزەگە اسىرۋعا تىيىم سالدى.

Abai.kz