اسىلجان مامىتبەكوۆ استاناداعى 12  مىڭنان استام ادامى بار ۋنيۆەرسيتەت جۇمىسىنا كەدەرگى كەلتىرۋدە!

قازاقستان رەسپۋبليكاسى پرەزيدەنتى ن.ءا.نازارباەۆ ۇكىمەتتىڭ كەڭەيتىلگەن وتىرىسىندا استاناداعى قازاتۋ-ءتى نەگىزىندە حالىقارالىق عىلىمي-زەرتتەۋ ۋنيۆەرسيتەتىن  قۇرۋ تۋرالى تاپسىرما بەرىپ، ونىڭ «نازارباەۆ ۋنيۆەرسيتەت»  ۇلگىسىندە بولۋىن دا تاپسىرعان بولاتىن. سەنبەسىڭىز اشىپ قاراڭىز، اقوردا سايتىندا دا، «ەگەمەن قازاقستان» گازەتىنڭ 15 اقپانداعى سانىندا دا ەلباسىنىڭ بۇل تاپسىرماسى جاريالاندى. مۇنداي جاڭالىقتان كەيىن ۋنيۆەرسيتەت ۇجىمىنا قانداي تىلەك تىلەۋگە بولادى. ن.ءا.نازارباەۆ  ۋنيۆەرسيتەتى ۇلگىسىندەگى حالىقارالىق دەڭگەيدەگى قازاقستانداعى تۇڭعىش عىلىمي-زەرتتەۋ ۋنيۆەرسيتەتى بولۋ ءۇشىن ەكى بىلەگىن تىرىسىپ جۇمىسقا كىرىستى. راسىنا كەلسەك ەلباسى تاپسىرماسىنا وراي جۇمىس باستالىپ كەتكەن، دەگەنمەن وسىدان بىرنەشە كۇن بۇرىن 12 مىڭنان استام ادامى بار قازاتۋ ۇجىمى تىعىرىققا تىرەلدى. نازارباەۆ ۋنيۆەرسيتەتى دەڭگەيىندەگى حالىقارالىق دارەجەدەگى ۋنيۆەرسيتەتتى  جاساقتاۋدىڭ ورىنىنا ءبىلىم مينيسترلىگى ەندى بۇل ۋنيۆەرسيتەتتى  اۋىلشارۋاشىلىعى مينيسترلىگىنە بەرمەك!  راسىنا كەلسەك وقيعانىڭ بۇلاي ءوربۋىن ەشكىمدە كۇتكەن جوق.

اسىلجان مامىتبەكوۆ استاناداعى 12  مىڭنان استام ادامى بار ۋنيۆەرسيتەت جۇمىسىنا كەدەرگى كەلتىرۋدە!

قازاقستان رەسپۋبليكاسى پرەزيدەنتى ن.ءا.نازارباەۆ ۇكىمەتتىڭ كەڭەيتىلگەن وتىرىسىندا استاناداعى قازاتۋ-ءتى نەگىزىندە حالىقارالىق عىلىمي-زەرتتەۋ ۋنيۆەرسيتەتىن  قۇرۋ تۋرالى تاپسىرما بەرىپ، ونىڭ «نازارباەۆ ۋنيۆەرسيتەت»  ۇلگىسىندە بولۋىن دا تاپسىرعان بولاتىن. سەنبەسىڭىز اشىپ قاراڭىز، اقوردا سايتىندا دا، «ەگەمەن قازاقستان» گازەتىنڭ 15 اقپانداعى سانىندا دا ەلباسىنىڭ بۇل تاپسىرماسى جاريالاندى. مۇنداي جاڭالىقتان كەيىن ۋنيۆەرسيتەت ۇجىمىنا قانداي تىلەك تىلەۋگە بولادى. ن.ءا.نازارباەۆ  ۋنيۆەرسيتەتى ۇلگىسىندەگى حالىقارالىق دەڭگەيدەگى قازاقستانداعى تۇڭعىش عىلىمي-زەرتتەۋ ۋنيۆەرسيتەتى بولۋ ءۇشىن ەكى بىلەگىن تىرىسىپ جۇمىسقا كىرىستى. راسىنا كەلسەك ەلباسى تاپسىرماسىنا وراي جۇمىس باستالىپ كەتكەن، دەگەنمەن وسىدان بىرنەشە كۇن بۇرىن 12 مىڭنان استام ادامى بار قازاتۋ ۇجىمى تىعىرىققا تىرەلدى. نازارباەۆ ۋنيۆەرسيتەتى دەڭگەيىندەگى حالىقارالىق دارەجەدەگى ۋنيۆەرسيتەتتى  جاساقتاۋدىڭ ورىنىنا ءبىلىم مينيسترلىگى ەندى بۇل ۋنيۆەرسيتەتتى  اۋىلشارۋاشىلىعى مينيسترلىگىنە بەرمەك!  راسىنا كەلسەك وقيعانىڭ بۇلاي ءوربۋىن ەشكىمدە كۇتكەن جوق.

ەلباسىنىڭ  حالىقارالىق عىلىمي زەرتتەۋ ۋنيۆەرسيتەتىن قۇرۋ تۋرالى تاپسىرماسىنا پىسقىرىپتا قاراماعان   اۋىل شارۋاشىلىعىنىڭ ءمينيسترى ا.س.مامىتبەكوۆتىڭ بۇل كەرەمەت يدەياسىنا 12 ىڭ ادامنان تۇراتىن ۋنۆيەرسيتەت  ۇجىمى قارسىلىق ءبىلدىرىپ، تولقۋ باستالدى. بۇل باستامانىڭ ىشىنە  قازاقستانداعى باسقا دا اگرارلىق سالاداعى ۋنيۆەرسيتەتتەردى ءدى اۋىل شارۋاشىلىق مينيستررىلىگىنە بەرۋ ەنگەن. ولاي بولسا كوپ ۇزاماي جەر-جەرلەردەگى اگرارلىق سالانىڭ ماماندارىن دايىندايتىن  باسقا دا  جووىندا ءىرى قارسىلىقتارعا اسىلجان مىرزانىڭ  كەزىگەرى انىق. 

دەسەك تە، ۋنيۆەرسيتەت نەگە اۋىلشارۋاشىلىق مينيسترىلىگىنە وتۋدەن قاشىپ  وتىر دەگەن سۇراققا كەلسەك: بۇعان دەيىن ءبىلىم مينيسترلىگىمەن اۋىل شارۋاشىلىق مينيسترلىگى ءوزارا قازاتۋدى ءۇش رەت ءبىر-بىرىنە بەرىپ قايتا العان. ناتيجەسىندە ۋنيۆەرسيتەت اۋىلشارۋاشىلىق مينيسترلىگىنە بارماي ءبىلىم مينيسترلىگىندە قالعان ءتيىمدى دەپ مامىتبەكوۆتەن باس تارتىپ وتىر.    اتاپ وتسەك، بىرىنشىدەن، 2005- 2011 جىلدار ارالىعىندا ۋنيۆەرسيتەت اۋىل شارۋاشىلىعى مينيسترلىگى جۇيەسىندە بولعان. بىراق مينيستر مامىتبەكوۆ مىرزانىڭ اۋىل شارۋاشىلىعى مينيسترلىگىنە كەلۋىنەن قازاتۋ-ءىن ءبىلىم جانە عىلىم مينيسترلىگىنە قايتارۋ جونىندە ساۋال تۋىندادى. بىراق 12  مىڭنان استام ادامى بار   ۇجىم بۇل تاپسىرماسىن قولدامادى. 

 ۋنيۆەرسيتەت قىزمەتىنە ءبىلىم جانە عىلىم مينيسترلىك جۇيەسىن قايتادان ەنگىزۋدە تۇبەگەيلى وزگەرىستەر تۋىندادى. سوڭعى ەكى جىلدا ۋنيۆەرسيتەت الەمدىك دەڭگەيدەگى QS رەيتىنگى بويىنشا 800 جەتەكشى ۋنيۆەرسيتتەر قاتارىنا كىردى. قازاقستان بويىنشا مۇنداي 9 جوعارعى وقۋ ورىندارى بار. سوندىقتان، اۋىل شارۋاشىلىق  مينيسترلىگىنە ءوتۋ جووىن قۇردىمعا جىبەرەرىنە  عالىمدار تولىق سەنىمدى.

تاعى ءبىر اسپەكت – عىلىمي زەرتتەۋلەر. عىلىمي قارجى كولەمى 2011 جىلدان باستاپ 3 ەسەگە ارتتى. عىلىمي باسىلىمدار سانى 1,5 ەسەگە ءوستى. مۇنداي كورسەتكىش وتاندىق اگرارلىق عىلىمدا ماقتانۋعا تۇرارلىق دەپ ايتۋ قيىن. ال، ونسىزدا توقىراپ وتىرعان اۋىل شارۋاشىلىق سالاسىندا نە وقۋعا نە عىلىمعا دەپ بەرىلەتىن قارجى بيۋدجەتتەن قاراستىرىلماعان. سوندا اگرارلىق ۋنيۆەرسيتەتتەردىڭ دامۋىنا دەگەن قارجىنى مامىتبەكوۆ ءوز قالتاسىنان تولەمەك پە؟

دامۋ ۇردىسىندە عىلىمي كادرلاردى دايىنداۋ قولعا الىندى: دوكتورونتۋرادان 11 ماماندىق جانە ماگيستراتۋرادان 9 ماماندىق اشىلدى. 2013 جىلى ماگيسترانتتار سانى 2011 جىلمەن سالىستىرعاندا 2,3 ەسەگە ارتتى. بىراق بار ماسەلە مۇندا ەمەس.

بۇل ارينە، ۋنيۆەرسيتەت ۇجىمى ەڭبەگىنىڭ ايقىن كورىنىسى. بىراق، وقىتۋشىلاردىڭ ايتۋى بويىنشا، ەگەر ءبىلىم جانە عىلىم مينيسترلىگى تاراپىنان قولداۋ بولماسا، كەيبىر سۇراقتار وزدىگىنەن شەشىلمەس ەدى. سوندىقتان دا ەشكىمنىڭ وزىندىك كادرالارى، جۇيەلەرى، ۋنيۆەرسيتەت دامۋى بويىنشا تاجىريبەسى جوق اۋىل شارۋاشلىعى مينيسترلىگىنە قايتۋعا قاۋقارى بولماس.

ەكىنشىدەن، بۇگىندە اۋىل شارۋاشلىعى مينيسترلىگىنىڭ وزىندىك عىلىمي سالاسى – «قازاگرويننوۆاتسيا» اق بارىن ەسكەرگەن ءجون. سوندىقتان وقىتۋشىلار تاراپى وسى قازاتۋ-ءىن اۋىل شارۋاشىلىق مينيسترلىگى قۇرامىنا قوسۋدان باسقا، ماسەلەلەر قالماعان با دەگەن ويعا كەلەدى. مۇمكىن،  اۋىل شارۋاشىلىق مينيسترلىگى اگرارلىق عىلىمي رەفورمالاۋ بويىنشا ەلباسى بەرگەن تاپسىرماسىن جەتىك ىسكە اسىرعان بولار. توتەپ ايتۋ قيىن. مىسالى، اقمولا وبلىسىنىڭ باراەۆ اتىنداعى استىق شارۋاشىلىعى ينستيتۋتى نەگىزىندەگى ءىرى عىلىمي-ءبىلىم ورتالىعى تەك قاعاز كۇيىندە عانا.

سوندىقتان، پروفەسسورلاردىڭ قوياتىن باستى سۇراعى: مامىتبەكوۆ مىرزا الدىمەن ءوز جۇيەسىن ۇعىنسا. ءبىر سوزبەن ايتقاندا ەلباسىنىڭ العا قويعان تاپسىرماسىن ورىنداۋعا جىگەر تۇتقان بولاتىن.  بۇگىندە ولار، مامىتبەكوۆ مىرزانىڭ جەكە كوزقاراسىنان نەگىزسىز جانە مۇقيات ويلانباعان مەنمەندىگىنەن تۋىنداعان ناتيجەسى ارتقا الىپ كەلەدى دەگەن ۇرەي تۋدىرادى.

قازاتۋدىڭ  باسشىلىعى مەن دەكاندارىنىڭ بارلىق كۇشىنە قاراماستان ۇجىمداعى سابىرلىقتى ساقتاۋ قيىنعا سوعۋدا.  بۇل وقيعا ەندى قازاقستانداعى  بارلىق اگرارلىق سالا ماماندارىن  دايىندايتىن جووىندا تولقۋ تۋىنداتىپ وتىر. سوندا ەلباسىنىڭ تاپسىرماسىنا قاراما-قايشى جۇمىس جۇرگىزگەن مامىتبەكوۆ مىرزا شەتەلدەن ساتىپ العان سيىرلار  ءولىپ قالا بەرگەن سوڭ ەندى  مامان دايىنداۋعا كىرىسپەك پە دەگەن وي تۋىندايدى. سوندا ەلباسىنىڭ تاپسىرماسىنا دەگەن سەنىم قايدا؟ الدە مامىتبەكوۆتىڭ جەكە  امبيتسياسى ول كىسىدەن جوعارى تۇرا ما؟

P.S.  س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ پروفەسسورلارى قول قويعان بىرنەشە حات وتكەن اپتادا ەلباسشىلىعىنا جولداندى. ەندىگى جاۋاپ «ەلباسى تاپسىرماسى جوعارى ما» الدە مامىتبەكوۆتىڭ «مەنمەندىگى» جەڭە مە دەگەن  سۇراققا كەلىپ توقتادى. ال   12 مىڭ  ادامى بار ۇجىم تولقۋ ۇستىندە...

ەرلان قۋانىشۇلى

Abai.kz