تۋريزم جانە سپورت ءمينيسترى ەربول مىرزابوسىنوۆ Jibek Joly تەلەارناسىنداعى «ۋادە» باعدارلاماسىنا بەرگەن سۇحباتىندا قازاقستاننىڭ 180-گە جۋىق سپورت تۇرىنە قاراجات جۇمساعانى تۋرالى ايتتى.

«ءبىز ۆەرتيكال بويىنشا، ءار وڭىرگە ءوزىنىڭ گەوگرافيالىق ورنالاسۋىنا، ينفراقۇرىلىمىنا جانە بۇرىنعى تاريحي ناتيجەلەرىنە، ماماندارىنا بايلانىستى باسىم سپورت تۇرلەرىن بەكىتىپ جاتىرمىز. ولار – 15-18 جازعى وليمپيادالىق سپورت تۇرلەرى جانە 7-8 قىسقى سپورت تۇرلەرى.

گەوگرافيالىق ورنىنا بايلانىستى دەگەنىم – بۇكىل وڭىردە بارلىق سپورت تۇرلەرىن دامىتۋ دەگەن ءسوز ەمەس. وليمپيادادا كوسوۆو دەگەن ەل بار، كەشە وليمپيادادا دزيۋدو سپورتىنان 2-3 التىن الدى. ءبىر سپورت تۇرىنەن. ءبىزدىڭ ءبىر قالامىزداي ەل. ول ءبىر سپورت تۇرىنە بار قاراجاتتى دۇرىس ءبولىپ، سوعان اكتسەنت جاساعاننان. گەرمانيادا 25 سپورت ءتۇرى، رەسەيدە 30 سپورت ءتۇرى ماڭايىندا، وزبەكستاندى الساق 17-18 سپورتقا مەملەكەتتىك قاراجات بەكىتەدى. ال ءبىز 180-گە جۋىق سپورت تۇرىنە قاراجات قامتىعانبىز»، – دەدى ەربول مىرزابوسىنوۆ.

سۇحباتتىڭ تولىق نۇسقاسى:

Abai.kz