قازاقستان ەلشىلىگى يزرايلدەگى قازاقتارعا ۇندەۋ جاسادى.

«تاياۋ شىعىستاعى جاعدايدىڭ ناشارلاۋى اياسىندا قازاقستاننىڭ تەل-اۆيۆتەگى ەلشىلىگى يزرايلدەگى بارلىق قازاقستاندىق ازاماتتارعا كۇشەيتىلگەن قاۋىپسىزدىك شارالارىن ساقتاۋعا، قىراعى جانە اباي بولۋعا، سوڭعى جاڭالىقتاردى قاداعالاپ وتىرۋعا، سونداي-اق قازاقستان ەلشىلىگىمەن بايلانىستا بولۋعا كەڭەس بەرەدى. »، – دەلىنگەن قازاقستاننىڭ يزرايلدەگى ەلشىلىگىنىڭ سايتىندا.

يزرايلدە قازاقستان رەسپۋبليكاسىنىڭ ازاماتتارى ءۇشىن توتەنشە جاعدايلار جەلىسى اشىق:

+972 (3) 503 78 85 (كەزەكشى)

+972 53 635 19 83 ء(موبيلدى، WhatsApp)

+972 55 273 38 13 ء(موبيلدى، WhatsApp)

+7 700 111 31 96 (WhatsApp)

ەسكە سالايىق، ءبىر كۇن بۇرىن قازتاگ ديپلوماتيالىق كورپۋستاعى دەرەككوزگە سىلتەمە جاساپ، قازاقستان سىرتقى ىستەر مينيسترلىگى يران مەن يزرايل اراسىنداعى جاعدايدى باقىلاپ وتىرعانىن حابارلاعان بولاتىن. بۇل ەلدەر اراسىنداعى قاقتىعىس 2 قازانعا قاراعان ءتۇنى قىزۋ فازاسىنا ەندى. قازتاگ سونداي-اق قازاقستان پوليتسياسى پاترۋلدىك باعىتتاردى يزرايلدەگى سيناگوگالار مەن ديپلوماتيالىق نىساندارعا جاقىنداتقانىن انىقتادى.

Abai.kz