2024 جىلعى قازاقستان پرەزيدەنتى قاسىم-جومارت توقاەۆتىڭ جولداۋى مەملەكەت دامۋىنىڭ نەگىزگى باعىتتارىن ايقىنداپ بەردى. الەۋمەتتىك-ەكونوميكالىق ماسەلەلەردەن باستاپ، ەكولوگيا مەن ساياسي رەفورمالارعا دەيىنگى ءارتۇرلى سالادا ماڭىزدى رەفورمالار ۇسىنىلدى.

بۇل جولداۋ ەلدىڭ دامۋىنىڭ جاڭا كەزەڭىنە وتۋىنە جول اشادى. حالىقتىڭ الەۋمەتتىك جاعدايىن جاقسارتۋ، ءبىلىم بەرۋ مەن دەنساۋلىق ساقتاۋ سالالارىنا قاتىستى رەفورمالار نازاردان تىس قالمادى. جولداۋدا وقىتۋشىلاردىڭ  جالاقىسىن ارتتىرۋ، ءبىلىم ساپاسىن جاقسارتۋ بويىنشا ناقتى شارالار قابىلداۋدى ۇسىندى. مەملەكەت باسشىسى جولداۋىندا ساپالى ءبىلىم بەرۋ ماسەلەسى باستى تاقىرىپتاردىڭ ءبىرى بولدى. پرەزيدەنت ءبىلىم بەرۋ جۇيەسىن جەتىلدىرۋدىڭ ماڭىزدىلىعىن اتاپ ءوتىپ، قازاقستاننىڭ الەمدىك دەڭگەيدەگى ءبىلىم بەرۋ ستاندارتتارىنا ساي بولۋىن قامتاماسىز ەتۋ ءۇشىن بىرقاتار ناقتى شارالاردى ۇسىندى. بۇل قادامدار ەلدىڭ بولاشاقتاعى دامۋى ءۇشىن شەشۋشى مانگە يە. جوعارى ءبىلىم سالاسىندا ۋنيۆەرسيتەتتەر مەن كوللەدجدەردىڭ ءبىلىم بەرۋ ساپاسىن ارتتىرۋ جانە ولاردىڭ حالىقارالىق رەيتينگتەردەگى ورنىن نىعايتۋ مىندەتى قويىلدى. اكادەميالىق ەركىندىكتى قامتاماسىز ەتۋ، ءبىلىم بەرۋ مەكەمەلەرىنىڭ زاماناۋي تەحنولوگيالاردى قولدانۋىن جانە ستۋدەنتتەردىڭ قاجەتتى داعدىلاردى مەڭگەرۋىن قولداۋ تۋرالى ايتتى.بۇدان بولەك، عىلىمي-زەرتتەۋ جۇمىستارىن دامىتۋعا ەرەكشە كوڭىل ءبولىندى.قازاقستاننىڭ عىلىم سالاسىنداعى الەۋەتىن ارتتىرۋ ماقساتىندا عىلىم مەن ءبىلىمدى بىرىكتىرۋ، يننوۆاتسيالىق جوبالارعا قولداۋ كورسەتۋ كەرەكتىگىن اتاپ ءوتتى. عىلىمي زەرتتەۋلەر مەن جاڭا تەحنولوگيالاردى وندىرىسكە ەنگىزۋ ەلدىڭ ەكونوميكالىق دامۋىنا ەلەۋلى ۇلەس قوساتىنى ايتىلدى.

2024 جىلعى جولداۋ ساپالى ءبىلىم بەرۋ ماسەلەسىن الدىڭعى قاتارعا شىعارىپ، ەلدىڭ ءبىلىم بەرۋ جۇيەسىن جاڭعىرتۋدى كوزدەيدى. پرەزيدەنت ق.توقاەۆ ۇسىنعان رەفورمالار وقۋ ورىندارىنىڭ ماتەريالدىق-تەحنيكالىق بازاسىن نىعايتۋعا، مۇعالىمدەر مەن وقىتۋشىلاردىڭ بىلىكتىلىگىن ارتتىرۋعا جانە زاماناۋي ءبىلىم بەرۋ ادىستەرىن ەنگىزۋگە باعىتتالعان. ساپالى ءبىلىم – ەلدىڭ بولاشاعىن ايقىندايتىن باستى فاكتورلاردىڭ ءبىرى، سوندىقتان بۇل سالانى دامىتۋ قازاقستاننىڭ ۇزاق مەرزىمدى دامۋىنىڭ كەپىلى بولماق. سونىمەن قاتار، جۇمىسسىزدىقپەن كۇرەسۋ، اسىرەسە جاستار اراسىنداعى جۇمىسسىزدىقتى ازايتۋ ماسەلەلەرى جولداۋدا كەڭىنەن قارالدى. جاستاردى جۇمىسپەن قامتۋ جانە ولارعا قاجەتتى قولداۋ كورسەتۋ – ەلدىڭ ۇزاق مەرزىمدى دامۋىنداعى ماڭىزدى باسىمدىقتار رەتىندە قاراستىرىلادى.ءال-فارابي اتىنداعى قازۇۋ ستۋدەنتتەرىن جۇمىسپەن قامتۋعا جاردەمدەسۋ ءۇشىن ءبىلىم الۋشىلارى مەن تۇلەكتەرىن، جۇمىس مۇمكىندىكتەرى مەن كاسىبي تاعىلىمدامالار تۋرالى اقپاراتتاندىرۋ ماقساتىندا، ۋنيۆەرسيتەتتەگى ءتۇرلى ءىس-شارالارعا جۇمىس بەرۋشىلەردىڭ قاتىسۋىن قامتاماسىز ەتەتىن، مانساپ جانە كاسىبي دامۋ ورتالىعى جۇمىس ىستەيتىنىن ايتا كەتكىم كەلەدى. ۋنيۆەرسيتەتتىڭ ءبىلىم الۋشىلارى مەن تۇلەكتەرى وزدەرىنىڭ تۇيىندەمەلەرىن الەۋەتتى جۇمىسپەن قامتاماسىز ەتۋشى ۇيىمدارعا جىبەرۋگە، سونداي-اق «جاستار جانە مانساپ» كورپوراتيۆتىك پورتالى ارقىلى جۇمىس ۆاكانسيالارىمەن تانىسۋعا مۇمكىندىكتەرى بار ەكەنى بارشاعا ءمالىم. ۋنيۆەرسيتەت جوعارى بىلىكتى كادرلاردى دايارلاۋدىڭ ۇزدىك وتاندىق تاجىريبەسىنە سۇيەنە وتىرىپ، مەملەكەتتىك قىزمەتكە مامان دايارلاۋدىڭ قۇزىرەتتىلىگىن قا­لىپ­تاس­تى­رۋعا ۇمتى­لىپ كەلەدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەكتەرى قازاقستانداعى جانە دۇنيە جۇزىندەگى جۇمىس بەرۋشىلەر تاراپىنان جوعارى سۇرانىسقا يە.

2024 جىلعى قازاقستان پرەزيدەنتى قاسىم-جومارت توقاەۆتىڭ جولداۋى ەلدىڭ دامۋىنداعى ەرەكشە باستامالارىمەن ەستە قالدى. «جۇمىسشى ماماندىقتار جىلى» دەپ جاريالاۋ ارقىلى ەلىمىزدىڭ ءوندىرىس، اۋىل شارۋاشىلىعى جانە باسقا دا سەكتورلارىنداعى مامانداردىڭ ماڭىزىن ەرەكشە اتاپ ءوتتى. بۇل قادام ەلدىڭ ەكونوميكالىق تۇراقتىلىعىن نىعايتىپ، جۇمىسشى ماماندىقتارىنىڭ بەدەلىن ارتتىرۋعا باعىتتالعان.جولداۋ قازاقستاننىڭ ۇزاق مەرزىمدى دامۋىنا باعىتتالعان ماڭىزدى قادامداردىڭ ءبىرى بولىپ تابىلادى. ەلدىڭ ءار سالاسىنداعى رەفورمالار مەن جاڭالىقتار بولاشاقتا حالىقتىڭ ءال-اۋقاتىن ارتتىرۋعا جانە ەكونوميكالىق تۇراقتىلىقتى قامتاماسىز ەتۋگە مۇمكىندىك بەرەدى.

اتاحانوۆا گ.م

ءال-فارابي اتىنداعى قازۇۋ-دىڭ زاڭ فاكۋلتەتى  قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ پروفەسسورى;

سوۆەتحان ش.د

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق، ازاماتتىق ءىس جۇرگىزۋ جانە ەڭبەك قۇقىعىنىڭ وقىتۋشىسى.

Abai.kz