الماتى. 23 قىرقۇيەك. قازتاگ – «بتا بانك» اق كرەديتورلار كوميتەتى بانكتىڭ ۇلكەن جانە سۋبسيديالانعان قارىزىن قايتا قۇرىلىمداۋدىڭ بالاما جوسپارىن ۇسىندى، ول بانكتىڭ رەتتەۋشىلىك كاپيتالىن  $9,2 ملرد-قا ارتتىرادى. بانك پەن كرەديتورلار اراسىندا قول قويىلعان ءوزارا تۇسىنىستىك تۋرالى مەموراندۋمنىڭ قوسىمشاسىندا وسىنداي مالىمەت كەلتىرىلگەن. ونىڭ ءماتىنىن سەيسەنبى كۇنى بانك تاراتتى.

كرەديتورلار كوميتەتى قارىزدىڭ ءار تۇرىنە ونى قۇرىلىمداۋدىڭ جەكە جوسپارىن ۇسىنادى.

مىسالى، ۇلكەن قارىز ءۇشىن ەكى وپتسيا ۇسىنىلىپ وتىر، بىرەۋى قاراپايىم كرەديتورلار ءۇشىن، باسقاسى ساۋدا قارجىلاندىرۋ وكىلدەرى ءۇشىن.

ءبىرىنشى وپتسياعا كرەديتورلاردىڭ 86,6% قاتىسادى. مۇندا $1 ملرد سوما كولەمىندەگى قارىزدى 87,1% ديسكونتپەن جەدەل تۇردە جابۋ، قارىزدى  48,4% ديسكونتپەن ەكى جىل جەڭىلدەتىلگەن كەزەڭمەن جەتى جىلعا ۇزارتۋ قاراستىرىلعان، قايتا قۇرىلىمداۋ مىندەتتەمەلەرى بويىنشا بەس جىل بويى پايىزدىق مولشەرلەمە جىلىنا 10% قۇرايدى.

الماتى. 23 قىرقۇيەك. قازتاگ – «بتا بانك» اق كرەديتورلار كوميتەتى بانكتىڭ ۇلكەن جانە سۋبسيديالانعان قارىزىن قايتا قۇرىلىمداۋدىڭ بالاما جوسپارىن ۇسىندى، ول بانكتىڭ رەتتەۋشىلىك كاپيتالىن  $9,2 ملرد-قا ارتتىرادى. بانك پەن كرەديتورلار اراسىندا قول قويىلعان ءوزارا تۇسىنىستىك تۋرالى مەموراندۋمنىڭ قوسىمشاسىندا وسىنداي مالىمەت كەلتىرىلگەن. ونىڭ ءماتىنىن سەيسەنبى كۇنى بانك تاراتتى.

كرەديتورلار كوميتەتى قارىزدىڭ ءار تۇرىنە ونى قۇرىلىمداۋدىڭ جەكە جوسپارىن ۇسىنادى.

مىسالى، ۇلكەن قارىز ءۇشىن ەكى وپتسيا ۇسىنىلىپ وتىر، بىرەۋى قاراپايىم كرەديتورلار ءۇشىن، باسقاسى ساۋدا قارجىلاندىرۋ وكىلدەرى ءۇشىن.

ءبىرىنشى وپتسياعا كرەديتورلاردىڭ 86,6% قاتىسادى. مۇندا $1 ملرد سوما كولەمىندەگى قارىزدى 87,1% ديسكونتپەن جەدەل تۇردە جابۋ، قارىزدى  48,4% ديسكونتپەن ەكى جىل جەڭىلدەتىلگەن كەزەڭمەن جەتى جىلعا ۇزارتۋ قاراستىرىلعان، قايتا قۇرىلىمداۋ مىندەتتەمەلەرى بويىنشا بەس جىل بويى پايىزدىق مولشەرلەمە جىلىنا 10% قۇرايدى.

ەكىنشى وپتسيادا ەكسپورتتىق-نەسيەلىك اگەنتتىكتەردىڭ وكىلدەرى ءۇشىن قارىزدى سەگىز جىلعا ۇزارتۋمەن ءۇش جىل جەڭىلدەتىلگەن كەزەڭمەن جانە 3,6 جىلدىق پايىزبەن جاڭا قۇرالداردى شىعارۋ قاراستىرىلعان. وسى وپتسيانىڭ شەڭبەرىندە قايتا قۇرىلىمداناتىن مىندەتتەمەلەردىڭ كولەمى $1,2 ملرد اسپايدى، سونىمەن قاتار، كرەديتورلاردىڭ 13,4% قاتىسۋى قاراستىرىلعان. ەكسپورتتىق-نەسيەلىك اگەنتتىكتەردىڭ وكىلدەرى بولىپ تابىلمايتىن ساۋدالىق قارجىلاندىرۋ وكىلدەرى ءۇشىن $800 ملن كولەمىندە بىردەن ساتىپ الۋ، ساۋدالىق قارجىلاندىرۋ جونىندەگى كوميتەتتى قۇرۋ جانە ول ءۇشىن بۇرىن ۋاعدالاسقان كەلىسىمشارتتار بويىنشا  تولەمدەرگە ارناپ $1 ملرد ءبولۋ قاراستىرىلعان. كرەديتورلار قازاقستان ۇكىمەتىن جانە «سامۇرىق-قازىنا» ۇاق-نان وسى وپتسيالار بويىنشا كەپىلدەمە بەرۋدى سۇراپ وتىر.

قارىزدىڭ جيىنتىق كولەمى جانە جيناقتالعان قىزىعۋشىلىقتىڭ مولشەرى $1,3 ملرد بولاتىن كىشى قارىزدىڭ وكىلدەرىنە قارىزدى 70% ديسكونتپەن اكتسيالارعا الماستىرۋ ۇسىنىلعان.

«سامۇرىق-قازىنا» ۇاق-نىڭ الدىنداعى 645 ملرد  تەڭگە كولەمىندەگى وبليگاتسيالار مەن جيناقتالعان سىياقى تۇرىندەگى  قارىز قاراپايىم جانە/نەمەسە ارتىقشىلىقتى اكتسيالارعا الماستىرىلۋى مۇمكىن.

قۇندى قاعازداردىڭ اكتيۆتەردى قايتارۋعا ايىرباس رەتىندە ۇسىنىلىپ وتىرعان ەميسسياسى ۇلكەن كرەديتورلار، ۇاق جانە سۋبسيديالانعان كرەديتورلاردىڭ اراسىندا تيىسىنشە، 46,07%، 49,27% جانە 4,66% ۇلەستىرىلگەن.

بتا بانك اكتيۆتەرىنىڭ كولەمى بويىنشا قازاقستاندىق بانك جۇيەسىندە ەكىنشى ورىندا. ققا مالىمەتتەرىنە سايكەس، 2009 جىلدىڭ قاڭتار-ماۋسىمىندا بانكتىڭ اكتيۆتەرى 2,45 ترلن تەڭگەنى، جەكە كاپيتالى «مينۋس» 1,02 ترلن تەڭگەنى قۇرادى. 2009 جىلدىڭ 2 اقپانىندا بانكتىڭ قاراپايىم اكتسيالارىنىڭ «سامۇرىق-قازىنا» ۇلتتىق ءال-اۋقات قورىنىڭ پايداسىنا ءماجبۇرلى ەميسسياسى تۋرالى جاريا ەتىلدى. 2009  جىلدىڭ 18  ناۋرىزىندا «سامۇرىق-قازىنا» ۇلتتىق ءال-اۋقات قورىنىڭ يەلىگىندە 75,1% بولدى. 2009 جىلدىڭ 20 ساۋىرىندە بانك كرەديتورلارىنا نەگىزگى قارىز بويىنشا تولەمدەردى ۋاقىتشا توقتاتاتىنىن جانە بانكتىڭ سىرتقى قارىزىن قايتا قۇرىلىمداۋدى جوسپارلاپ وتىرعانىن مالىمدەدى. ۇاق «بتا بانكتىڭ» اكتسيالار پاكەتىن رەسەيلىك «سبەربانككە» ساتۋ تۋرالى كەلىسسوز جۇرگىزىپ جاتىر. 2009 جىلى بانك  $4 ملرد سومانىڭ مىندەتتەمەلەرىن ورىنداۋعا ءتيىس بولاتىن.