مەملەكەت باسشىسى ازيا دامۋ بانكىنىڭ پرەزيدەنتى ماساتسۋگۋ اساكاۆانى قابىلدادى.

ول ورتالىق ازيا وڭىرلىك ەكونوميكالىق ىنتىماقتاستىعى باعدارلاماسىنىڭ 23-ءشى مينيسترلىك كونفەرەنتسياسىنا قاتىسۋ ءۇشىن استاناعا كەلدى.

وسى ساپار اياسىندا قۇنى 300 ملن دوللاردان اساتىن «قىزىلوردا – جەزقازعان» اۆتوجولىنىڭ قۇرىلىسىن قارجىلاندىرۋ تۋرالى كەلىسىمگە قول قويۋ جوسپارلانىپ وتىر.

بيىل قازاقستان مەن ازيا دامۋ بانكىنىڭ ناتيجەلى قارىم-قاتىناسىنا 30 جىل. بانك 1994-2024 جىلدار ارالىعىندا قازاقستاندا جالپى سوماسى 7 ملرد دوللارعا جۋىق جوبالاردى قارجىلاندىردى.

اتاپ ايتقاندا، باتىس قىتاي-باتىس ەۋروپا حالىقارالىق كولىك ءدالىزىن سالۋعا، سونداي-اق اقتوبە-قاندىاعاش جولىن قايتا جوندەۋگە قاتىستى.

Abai.kz