ەلىمىزدىڭ ءۇش وڭىرىندە ەكسترەميستىك توپ قۇرعان ازاماتتار قۇرىقتالدى.

ۇلتتىق قاۋىپسىزدىك كوميتەتىنىڭ مالىمەتىنشە، 7 قاراشادا الماتىدا، الماتى جانە ۇلىتاۋ وبلىستارىندا ءدىني-ەكسترەميستىك ارەكەتتەردى ۇيىمداستىردى دەگەن كۇدىكپەن 5 قازاقستاندىقتى ۇستالدى.

سونداي-اق، تىيىم سالىنعان ۇيىمعا قاتىسقانى ءۇشىن 17 ادامعا «شىعۋعا بولمايتىندىعى تۋرالى قول قويۋ» تۇرىندە بۇلتارتپاۋ شاراسى قولدانىلعان.

فيگۋرانتتاردىڭ تۇرعىلىقتى جەرلەرىن ءتىنتۋ بارىسىندا ءدىني ادەبيەتتەر مەن باسقا دا زاتتاي دالەلدەمەلەر الىندى. اتالعان ادامداردىڭ تورتەۋى بۇرىن ەكسترەميستىك قىلمىستار جاساعانى ءۇشىن سوتتىلى بولعان، ال توعىزىنا تىيىم سالىنعان ۇيىمنىڭ قىزمەتىنە قاتىسۋعا جول بەرىلمەيتىنى تۋرالى رەسمي ەسكەرتۋلەر بەرىلگەن، – دەلىنگەن ۇقك حابارلاماسىندا.

قىلمىستىق كودەكستىڭ 405-بابى 1 جانە 2-بولىكتەرى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.

Abai.kz