ورەشنيك دەپ اتالاتىن، ورىستار الدىڭعى كۇنى دنەپر قالاسىن اتقىلاعان بالليستيكالىق زىمىراننىڭ قالدىقتارىن ۋكرايندار تەرىپ الىپ زەرتحانالاردا زەرتتەپ جاتىر ەكەن جانە ونى باسقالار دا كورۋ ءۇشىن ينتەرنەتكە سالىپ قويعان.

سويتسە... جاڭا قارۋ ءتۇرى، انالوگوۆنەت دەپ جۇرگەندەرى باياعى سسسر كەزىندە جوبالانعان بۋلاۆا زىمىرانىنىڭ كوشىرمەسى جانە قاشىقتىعى قىسقارتىلعان ۆاريانتى بولىپ شىقتى، ياعني مۇنىسى ەشقانداي دا جاڭا قارۋ ەمەس، باياعىدان قالعان ەسكى-قۇسقى بىردەڭە ەكەن. مۇنى باتىس پروفەسسيونالدارى بىردەن انىقتاپ تاستاپتى. بۇلارى ەشقانداي دا تەجەۋشى فاكتور بولا المايدى (سدەرجيۆايۋششي) دەيدى. ەگەر راسىمەن دە ونىسى پۋتين ايتقانداي جاڭا قارۋ بولسا ورىس ناسيحاتشىلارى قايتا-قايتا جارنامالاپ قۇلاقتارىمىزدى الدەقاشان بىتەپ تاستاعان بولار ەدى، كەزىندە اسكەري كەزەكشىلىككە قويماي تۇرىپ-اق كينجال، تسيركوندارىن جەر-كوككە سىيعىزباي ماقتادى، ءىس جۇزىندە ولارى كادىمگى قاتارداعى زىمىراندار عانا بولىپ شىقتى، بۇل دا سول سياقتى بولار ەدى دەيدى. ەندى ءپۋتيننىڭ سوڭعى كوزىرى عانا قالدى - ستراتەگيالىق كونتينەنتارالىق زىمىراندار. بىراق مۇنى تەك ءبىر-اق رەت قولدانۋعا بولادى، سول بويدا ءوزى دە جوق بولىپ كەتەدى. ال وندايعا ەشكىم دە بارعىسى كەلمەيدى، سوندىقتان ءپۋتيندى ءوز اينالاسى-اق جوق قىلۋى مۇمكىن دەيدى. مۇنى اقش پرەزيدەنتىنىڭ ەكس-كەڭەسشىسى، بەلگىلى ساياساتكەر جون بولتون دا ايتىپ تاستاپتى: ارينە، ءپۋتيننىڭ قورقىتۋلارىنا سەرەزنو قاراۋ كەرەك، بىراق شانتاجىنا ەرىپ كەتۋگە بولمايدى دەپتى. ەسكالاتسيا بولماي ما دەگەن سۇراققا ول: ونداي ەسكالاتسيا جاسايتىنداي ارميا قايدا دەپتى. ياعني رف ارمياسى ءبىتتى دەگەنى. ول تاعى دا: جالپى امەريكاندىقتار ەشقاشان دا يادرولىق قارۋدى ءبىرىنشى بولىپ قولدانبايمىز دەپ ەشكىمگە دە ۋادە بەرگەن جوق دەپتى. ياعني قاجەت بولسا ولاردان بۇرىن قيمىلدايمىز دەگەنى. جالپى يادرولىق سوعىس بولعان جاعدايدا دا وعان قارسى باتىستىڭ ءوز جوسپارلارى بار. سوڭعى جاعدايعا بايلانىستى ول جوسپارىنا كوررەكتيروۆكا دا جاساپ تاستاپتى.

رف جاعى بايدەن رۇقسات بەرەدى دەپ كۇتپەپتى. يادرولىق قارۋدان قورقادى دەپ وزدەرىنە سونداي سەنىمدى بولعان. ەندى ساسىپ قالىپ جاتقانعا ۇقسايدى. ۋكرايندار دا وسىنى پايدالانىپ، تەحنيكالارىن جاسىرىپ ۇلگەرمەي تۇرعاندا تەزدەتىپ قۇرتىپ قالۋ ءۇشىن جويىلۋعا ءتيىس وبەكتىلەردىڭ كارتاسىن جاساپتى (كەيىن وسىندا كوممەنتاريگە سالارمىن). ارينە، ەڭ ءبىرىنشى كەزەكتە روستوۆ وبلىسى تۇر. مۇندا ءتورت اسكەري اۋەجاي بار ەكەن. سولداتتارىن رف-دان وسىندا الىپ كەلەدى دە، ءارى قاراي اۆتوبۋستارمەن ۋكراين جەرلەرىنە تاسىمالدايتىن كورىنەدى. ەندى ءبىر-ەكى كۇندە وسى اۋەجايلاردىڭ كوككە ۇشقانىن دا كورىپ قالۋىمىز مۇمكىن. سونداي-اق ورىستاردىڭ ءوز تەحنيكالارى مەن ادامدارىن الىسىراق اكەتكەنى دە ءتيىمدى، ويتكەنى مايدانعا دەيىنگى قاشىقتىق ۇزارادى، ولاردى تەز جەتكىزۋ قيىندايدى، ت.س.س.

وسىمەن ءۇشىنشى رەت رف تۇكپىرىنە باتىس قارۋىن قولدانۋى ۋكراينداردىڭ دا، باتىستىڭ دا ءپۋتيننىڭ بوپساسىنان ەشكىم دە قورقىپ وتىرماعانىن كورسەتەدى.

قۋانىش ەدىلحانتەگىنىڭ جەلىدەگى جازباسى

Abai.kz