بۇگىنگى قۇرىلتاي دەپۋتاتتارىنىڭ سايلاۋىندا 104 جاستاعى تىل ارداگەرى كۇلپارا شورتانوۆا ءوز تاڭداۋىن جاسادى. عاسىردان استام عۇمىر كەشىپ، ەلمەن بىرگە تالاي تاريحي كەزەڭدى وتكەرگەن اق جاۋلىقتى انا الماتى وبلىسىنداعى كەگەن اۋدانىندا تۇرادى. جاسى جۇزدەن اسسا دا ساياسي ناۋقاندا بەلسەندىلىك تانىتقان كەيۋانا ۇزىنبۇلاق اۋىلىنداعى ۇيىندە داۋىس بەردى.

عاسىر كۋاسى بولعان كۇلپارا اجە ەل بولاشاعىنا بەيجاي قاراماي، نەمەرە-شوبەرەلەرىنىڭ جارقىن كەلەشەگى ءۇشىن ءوز تاڭداۋىن جاسادى. ونىڭ سايلاۋعا قاتىسۋى – جاس ۇرپاققا ونەگە، ەل تاعدىرىنا دەگەن جاۋاپكەرشىلىك پەن ازاماتتىق پارىزدىڭ ايقىن كورىنىسى.

بۇل كۇنى ءبىر اۋلەتتىڭ ءتورت بۋىنىنىڭ وكىلدەرى داۋىس بەردى. 104 جاستاعى كۇلپارا شورتانوۆامەن بىرگە ونىڭ 86 جاستاعى ۇلى مارات، 51 جاستاعى نەمەرەسى ولجاس، 26 جاستاعى نەمەرەسى بەيبىت جانە 19 جاستاعى شوبەرەسى باقتيار ءوز تاڭداۋىن جاسادى.

ءبىر اۋلەتتىڭ بىرنەشە بۋىنىنىڭ سايلاۋعا بىرگە قاتىسۋى – ۇرپاقتار ساباقتاستىعىنىڭ، وتباسى بىرلىگى مەن ەل بولاشاعىنا دەگەن ورتاق جاۋاپكەرشىلىكتىڭ كورىنىسى. عاسىر جاساعان انانىڭ ازاماتتىق ۇستانىمى كەيىنگى بۋىنعا ۇلگى بولىپ، ەلدىك ماسەلەگە ءار ازاماتتىڭ تاڭداۋى ماڭىزدى ەكەنىن كورسەتتى.

كۇلپارا اجەنىڭ عيبراتتى عۇمىرى – ءبىر عاسىردان استام ۋاقىتتىڭ، تالاي تاريحي كەزەڭ مەن قوعامدىق وزگەرىستىڭ كۋاسى بولعان تاعىلىمدى ءومىر جولى. بۇگىندە دە ول ەل ومىرىنەن شەت قالماي، ءوز تاڭداۋىن جاساپ، ۇرپاعىنا ونەگە كورسەتىپ وتىر.

Abai.kz