پرەزيدەنتتىڭ «مەملەكەتتىك قىزمەت وتكەرۋدىڭ كەيبىر ماسەلەلەرى تۋرالى» 2015 جىلعى 29 جەلتوقسانداعى جارلىعىنا ءتيىستى وزگەرىستەر ەنگىزىلدى.

قازىر مەملەكەتتىك ساياسي قىزمەتشىلەر:

▪ وزىنە جۇكتەلگەن مىندەتتەردى قۇقىققا قايشى، كىنالى تۇردە ورىنداماۋى نەمەسە تيىسىنشە ورىنداماعانى;
▪لاۋازىمدىق وكىلەتتىكتەرىن اسىرا پايدالانعانى;
▪قىزمەتتىك ءتارتىپ پەن قىزمەتتىك ادەپتى بۇزعانى;
▪زاڭداردا بەلگىلەنگەن، مەملەكەتتىك قىزمەتتە بولۋعا بايلانىستى شەكتەۋلەردى ساقتاماعانى ءۇشىن تارتىپتىك جازاعا تارتىلاتىن.

ەندى وسى ءتىزىمنىڭ قاتارىنا پرەزيدەنتتىڭ تاپسىرمالارىن ورىنداماعانى ءۇشىن قولدانىلاتىن جازا قوسىلدى. ياعني پرەزيدەنت تاپسىرمالارىن، سونداي-اق قر پرەزيدەنتى اكىمشىلىگى باسشىلىعىنىڭ تاپسىرمالارىن ورىنداماعانى نەمەسە تيىسىنشە ورىنداماعانى ءۇشىن شەنەۋنىكتەر تارتىپتىك جازاعا تارتىلادى.

Abai.kz