كەشە عانا دۇنيەنى تىرەپ، بۇگىن ويماقتاي اۆستريانى پانالاپ جۇرگەن ەكس-كۇيەۋ راحات اليەۆ تۋرالى شىم-شىتىرىق اڭگىمەلەردىڭ لەگى توقتار ەمەس. تاۋەلسىز «سۆوبودا سلوۆا» گازەتىنىڭ اقپاراتىنا سەنەر بولساق، راحات اليەۆ ءوزىنىڭ قۇجاتتارىن اۋىستىرىپ، سۋ جاڭا ايەلىنىڭ فاميلياسىن العان ەكەن...

اۆستريا - وتە اشىق مەملەكەت. كەز كەلگەن ازامات ءتيىستى ينتەرنەت-سايتتارعا كىرىپ، وزىنە قاجەتتى اقپاراتتى تابا الادى. اتالىپ وتىرعان گازەتتىڭ اقپاراتى بويىنشا اۆستريادا ۋاقىتشا تۇرىپ جاتقان راحات اليەۆكە جەرگىلىكتى زاڭ بويىنشا ءنومىرى 000842172974 ارنايى يدەنتيفيكاتسيالىق كود بەرىلگەن ەكەن. وسى ەلدە تۇرىپ جاتقان ازاماتتار قۇجاتتارىن قانشا رەت ايىرباستاسا دا، بۇل كود ەشقاشان وزگەرمەيدى ەكەن. گازەتتىڭ حابارلاۋىنشا، وسىعان دەيىن ءنومىرى 000842172974 كودتىڭ قارسىسىندا «Rakhat Aliev» دەگەن دەرەك تۇرسا، جۋىردا ونىڭ قاسىنا «Rakhat Shoraz» دەگەن ەكىنشى ەسىم قوسىلىپتى-مىس.

كەشە عانا دۇنيەنى تىرەپ، بۇگىن ويماقتاي اۆستريانى پانالاپ جۇرگەن ەكس-كۇيەۋ راحات اليەۆ تۋرالى شىم-شىتىرىق اڭگىمەلەردىڭ لەگى توقتار ەمەس. تاۋەلسىز «سۆوبودا سلوۆا» گازەتىنىڭ اقپاراتىنا سەنەر بولساق، راحات اليەۆ ءوزىنىڭ قۇجاتتارىن اۋىستىرىپ، سۋ جاڭا ايەلىنىڭ فاميلياسىن العان ەكەن...

اۆستريا - وتە اشىق مەملەكەت. كەز كەلگەن ازامات ءتيىستى ينتەرنەت-سايتتارعا كىرىپ، وزىنە قاجەتتى اقپاراتتى تابا الادى. اتالىپ وتىرعان گازەتتىڭ اقپاراتى بويىنشا اۆستريادا ۋاقىتشا تۇرىپ جاتقان راحات اليەۆكە جەرگىلىكتى زاڭ بويىنشا ءنومىرى 000842172974 ارنايى يدەنتيفيكاتسيالىق كود بەرىلگەن ەكەن. وسى ەلدە تۇرىپ جاتقان ازاماتتار قۇجاتتارىن قانشا رەت ايىرباستاسا دا، بۇل كود ەشقاشان وزگەرمەيدى ەكەن. گازەتتىڭ حابارلاۋىنشا، وسىعان دەيىن ءنومىرى 000842172974 كودتىڭ قارسىسىندا «Rakhat Aliev» دەگەن دەرەك تۇرسا، جۋىردا ونىڭ قاسىنا «Rakhat Shoraz» دەگەن ەكىنشى ەسىم قوسىلىپتى-مىس.

راحاتتىڭ ءجۇرىس-تۇرىسىن ايرىقشا اڭدىپ جۇرگەندەردىڭ ايتۋىنشا، ەكس-كۇيەۋ بۇنداي قادامعا قوناقجاي اۆستريادان سىتىلىپ كەتۋ ءۇشىن بارعان كورىنەدى. سول سەبەپتەن بىلەتىن جۇرت ول ءوزىنىڭ ەكىنشى ايەلى ەلنارا شورازوۆانىڭ اتىن العان دەسەدى. بىلگىشتەردىڭ ايتۋىنا قاراعاندا، ەلنارا حانىم ۇزاق جىلدار بويى راحات اليەۆتىڭ قاراماعىندا جۇمىس ىستەگەن ەكەن. 2007 جىلى اليەۆ ەلىمىزدىڭ اۆسترياداعى ەلشىسى بولىپ تاعايىندالعان كەزدە، شورازوۆا حانىم دا سوڭىنان ەرىپ، ءبىزدىڭ ديپلوماتيالىق ميسسيامىزدا الدىمەن اتتاشە، ارتىنان ەكىنشى حاتشى بولىپ قىزمەت اتقارادى. راحات داريعا نازارباەۆامەن اجىراسقاننان كەيىن بۇل ەكەۋى ءتىپتى نەكە قۇرىپ، ۇلدى بولىپتى دەگەن دە قاۋەسەت تاراپ كەتكەن.

موتسارت ەلىنەن كەلگەن جاڭالىق ازىرگە وسى. باسقانى قايدام، راحاتتىڭ بۇل تىرشىلىگىنە قۋانعان ءبىر ادام بولسا، ول ءوزىمىزدىڭ جەرلەسىمىز، تانىمال ونەر قايراتكەرى ارىستان مۇحامەديۇلى بولۋى كەرەك. كەزىندە «مەنى بارلىعى راحات اليەۆپەن شاتاستىرا بەرەدى» دەگەن جەلەۋمەن ەسىمىن اۋىستىرعان ارەكەڭ الداعى ۋاقىتتا اتاسىنىڭ اتىنا قايتا كوشۋگە تولىق مۇمكىندىك الدى. ەندى ەلدەگى شورازوۆ ەسىمدىلەردىڭ باسى اۋىرسىن...

«اباي-اقپارات»