اتىراۋ وبلىسىندا جاستاردىڭ تۇلعالىق جانە الەۋمەتتىك الەۋەتىن ارتتىرۋعا باعىتتالعان اۋقىمدى MediaEducation جوباسى جۇزەگە اسىرىلدى. جوبا جاستاردىڭ تۇلعالىق دامۋىن ىنتالاندىرۋ جانە جاس ۇرپاقتىڭ الەۋمەتتەنۋىن قامتاماسىز ەتۋگە ارنالعان ءارتۇرلى الەۋمەتتىك ينستيتۋتتاردىڭ ءوزارا ارەكەتتەسۋىنە جاعداي جاساۋ، اتىراۋ وبلىسىنىڭ جاستارىن بلوگ جۇرگىزۋ داعدىلارىنا ۇيرەتۋ ارقىلى مەملەكەتتىك باعدارلامالار بويىنشا اقپاراتتاندىرۋىنا نەگىزدەلگەن.

MediaEducation اياسىندا 30 جاس كوشباسشى ءۇشىن وففلاين فورماتتا ءبىلىم بەرۋ كۋرستارى ۇيىمداستىرىلدى. باعدارلاما جاستاردىڭ ءتۇرلى قابىلەتتەرىن قامتىپ، كامەرادا جۇمىس جاساۋ، شەشەندىك ونەر، كوپيرايتينگ، موبيلوگرافيا  باعىتتاردا تەرەڭدەتە وقىتۋعا باعىتتالدى:

كۋرستاردى وتكىزۋ ءۇشىن ءوز سالاسىندا مول تاجىريبەسى بار كاسىبي ماماندار تارتىلدى. وقىتۋ ناتيجەسىندە قاتىسۋشىلارعا سەرتيفيكاتتار تابىستالىپ، ولار 3-تەن كەم ەمەس مازمۇندى اقپاراتتىق ماتەريال ازىرلەپ، الەۋمەتتىك جەلىدە جاريالادى.

جوبا اياسىندا پودكاست ءتۇسىرۋ بويىنشا ءبىلىم بەرۋ كۋرسى ۇيىمداستىرىلىپ، ونىڭ ناتيجەسىندە جاستاردىڭ شىعارماشىلىق الەۋەتىن، سونداي-اق اقپاراتتىق-كوممۋنيكاتيۆتىك داعدىلارىن شابىتتاندىرۋ جانە دامىتۋعا باعىتتالعان قىزىقتى پودكاستتار ءتۇسىرىلدى.

جوبانىڭ ماڭىزدى بولىگى رەتىندە وتكىزىلگەن «Shabyt قاناتى» شىعارماشىلىق بايقاۋى جاستارعا ءوز تالانتتارىن كورسەتۋگە تاپتىرماس مۇمكىندىك ۇسىندى. بايقاۋ اياسىندا جاس تالانتتار كەلەسى باعىتتار بويىنشا ءوز جۇمىستارىن ۇسىنىپ، ناتيجەسىندە ۇزدىك جۇمىستار انىقتالىپ، اقشالاي سىيلىقتارمەن ماراپاتتالدى:

• موبيلوگرافيا سالاسىنداعى ۇزدىك بەينەروليك
• مۋزىكا ونەرىندەگى ۇزدىك تۋىندى
• كوركەم شىعارماشىلىقتاعى ۇزدىك جۇمىس
• تيكتوك باعىتى

شىعارماشىلىق بايقاۋدىڭ جۇلدە قورى 1 500 000 تەڭگەنى قۇرادى. بۇل جاس دارىنداردىڭ شىعارماشىلىق بەلسەندىلىگىن ارتتىرۋعا جانە جاڭا يدەيالارىن جۇزەگە اسىرۋعا سەرپىن بەردى.

جوبا اياسىندا جاس تالانتتاردىڭ ۇزدىك جۇمىستارىنىڭ  كورمەسى ۇيىمداستىرىلدى.

MediaEducation جوباسى اتىراۋ وبلىسىنىڭ جاستارىنا ءبىلىم بەرۋ، داعدىلاردى دامىتۋ جانە بولاشاققا جاڭا مۇمكىندىكتەر جاساۋ ارقىلى ەرەكشە ۇلەس قوستى.

Abai.kz