ۋكراينا رەسەيگە كومەككە بارعان سولتۇستىك كورەي ساربازدارىنىڭ ەكەۋى تۇتقىنعا تۇسكەنىن مالىمدەدى. ءتىپتى، تۇتقىنداعى ساربازداردىڭ سۋرەتتەرى مەن دەرەكتەرىن دە جاريا ەتتى.

پرەزيدەنت زەلەنسكي: "ۋكراينا قارۋلى كۇشتەرى كحدر اسكەري قىزمەتكەرلەرىن تۇتقىنعا الدى. سولتۇستىك كورەيدىڭ 2 ساربازى 9 قاڭتار كۇنى تۇتقىنعا ءتۇستى، - دەدى.

ۋكراينا ءسىم باسشىسى سيبيگا: "سولتۇستىك كورەيلىك العاشقى اسكەري تۇتقىندار قازىر كيەۆتە. ولار جالدامالى اسكەر ەمەس، قحدر-نىڭ تۇراقتى ارمياسى", - دەدى.

تۇتقىندار تۋرالى نە بەلگىلى؟

ءبىرىنشى: ولار نە ۋكراين، نە ورىس، نە اعىلشىن تىلدەرىندە سويلەمەيدى. تۇتقىنداردىڭ بىرەۋىندە وزگە ءبىر ساربازدىڭ اتىنا بەرىلگەن رەسەيدىڭ اسكەري بيلەتى بولعان. ەكىنشىسىندە ەشقانداي قۇجات بولماعان.

ەكىنشى: تۇتقىنعا تۇسكەن كحدر ساربازىنىڭ بىرەۋى: «ءبىز ۋكراينامەن سوعىسۋعا ەمەس، وقۋ-جاتتىعۋعا كەلگەنبىز»، - دەپ ايتقان. ەكىنشىسى وسى ءسوزدى راستاپ سويلەگەن.

ءۇشىنشى: تۇتقىن ەكەۋدىڭ ءبىرى – 2005 جىلعى. كحدر ارمياسىندا 2021 جىلدان بەرى قىزمەت وتەپ كەلگەن. اتقىش. ەكىنشى تۇتقىن – 1999 جىلعى. كحدر ارمياسىندا 2016 جىلدان بەرى قىزمەت ەتىپ كەلگەن. بارلاۋشى-سنايپەر.

كحدر اسكەرىن تىرىدەي تۇتقىنداۋ قيىن شارۋا. ولار تۇتقىنعا بەرىلۋدەن باس تارتىپ، وزىنە قول جۇمسايدى نەمەسە رەسەي اسكەرى ولاردى درونمەن جويۋعا تىرىسادى. رەسەي كحدر اسكەرىن ادەتتە رەسەيدىڭ ىشىندەگى ساحا، تىۆا سەكىلدى ۇلتتارعا تىركەپ، سولاردىڭ اتىن بەرەدى.

نۇرگەلدى ابدىعانيۇلى

Abai.kz