قازاقستان پرەزيدەنتى يتاليا مينيسترلەر كەڭەسىنىڭ توراعاسى دجوردجا مەلونيمەن كەزدەستى. بۇل تۋرالى اقوردا حابارلادى. 

مەملەكەت باسشىسى «ابۋ ءدابيدىڭ ورنىقتى دامۋ اپتالىعى» الاڭىندا يتاليا مينيسترلەر كەڭەسىنىڭ توراعاسى دجوردجا مەلونيمەن كەزدەسۋ وتكىزدى.

قاسىم-جومارت توقاەۆ دجوردجا مەلونيدى تۋعان كۇنىمەن قۇتتىقتاپ، دوستاس يتاليا حالقىنىڭ يگىلىگى جولىنداعى مەملەكەتتىك قىزمەتىنە تابىس تىلەدى.

پرەزيدەنت بىلتىر ريمگە جاساعان رەسمي ساپارىن ىقىلاسپەن ەسكە الىپ، سونىڭ ناتيجەسىندە قازاقستان-يتاليا قاتىناستارىنىڭ جاڭا كەزەڭىنە جول اشىلعانىن اتاپ ءوتتى.

مەملەكەتارالىق ىنتىماقتاستىقتى جوعارى دەڭگەيدە ساقتاۋ ءۇشىن قاسىم-جومارت توقاەۆ دجوردجا مەلونيدى استاناعا رەسمي ساپارمەن كەلۋگە شاقىردى.

Abai.kz