مەملەكەت باسشىسى قحر-دىڭ قازاقستانداعى جاڭادان تاعايىندالعان ەلشىسى حان ءچۋنليندى قابىلدادى. بۇل تۋرالى اقوردا حابارلادى. 

پرەزيدەنتتىڭ ايتۋىنشا، قازاقستان قىتاي حالىق رەسپۋبليكاسىمەن جان-جاقتى ستراتەگيالىق ىنتىماقتاستىقتى ودان ءارى تەرەڭدەتۋگە ايرىقشا ءمان بەرەدى.

قاسىم-جومارت توقاەۆ حان ءچۋنليننىڭ ديپلوماتيالىق ميسسياسى ەكىجاقتى قارىم-قاتىناستار قارقىندى دامىعان كەزەڭگە تۇسپا-تۇس كەلگەنىن اتاپ ءوتىپ، قازاقستان تاراپىنىڭ قىتايمەن ءوزارا ىقپالداستىقتىڭ بارلىق باعىتىنا تىڭ سەرپىن بەرۋگە دايىن ەكەنىنە توقتالدى.

حان چۋنلين قحر توراعاسى سي ءتسزينپيننىڭ سالەمى مەن ىقىلاسىن جەتكىزىپ، ەكى ەل اراسىنداعى ماڭگى ستراتەگيالىق سەرىكتەستىك جوعارى دەڭگەيدەگى بەلسەندى ساياسي ديالوگتىڭ ارقاسىندا بۇرىن-سوڭدى بولماعان دارەجەگە كوتەرىلگەنىنە نازار اۋداردى. سونداي-اق ەلشى قىتاي مەن قازاقستاننىڭ سان قىرلى بايلانىسىن ودان ءارى نىعايتۋعا جانە ءوزارا ىنتىماقتاستىقتىڭ جوعارى ديناميكاسىن ساقتاۋعا بار كۇش-جىگەرىن جۇمسايتىنىنا سەندىردى.

كەزدەسۋ بارىسىندا ەكىجاقتى كۇن ءتارتىبىنىڭ نەگىزگى ماسەلەلەرى، سونىڭ ىشىندە ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ىقپالداستىقتى دامىتۋ پەرسپەكتيۆالارى تالقىلاندى.

Abai.kz