داۆوس فورۋمى الاڭىندا ءتۇرلى كەزدەسۋلەر وتكىزىپ جاتقان ۋكراينا پرەزيدەنتى زەلەنسكي رەسەي مەن ۋكراينا اراسىندا تۇركيادا 2022 جىلى وتكەن كەلىسسوزدەرگە توقتالىپ، رەسەي بيلىگىنىڭ ۋكرايناعا قويعان تالاپتارىن ايتىپتى.

رەسەي ۋكرايناعا قانداي تالاپتار قويدى؟

ءبىرىنشى: زەلەنسكيدىڭ پرەزيدەنتتىكتەن كەتۋىن تالاپ ەتتى. ورنىنا پرەزيدەنتتىككە ءپۋتيننىڭ دوسى (كۋمى) مەدۆەچۋكتى قويۋ تۋرالى تالاپ;

ەكىنشى: قۇجات بويىنشا دا، حالىقارالىق شەڭبەردە دە دونباسستى رەسەي جەرى دەپ مويىنداۋ تۋرالى تالاپ;

ءۇشىنشى: كيەۆتىڭ ورىس تىلىنە قاتىستى ساياساتىن وزگەرتۋ تۋرالى تالاپ;

ءتورتىنشى: كونستيتۋتسياعا وزگەرىس ەنگىزىپ، مەملەكەتتىڭ بەيتاراپ ستاتۋسىن بەكىتۋ تۋرالى تالاپ;

بەسىنشى: اسكەر سانىن 50 مىڭعا دەيىن ازايتۋ، 20 شاقىرىمنان ارىعا سوققى جاسايتىن بارلىق قارۋدى جويۋدى نەمەسە ولاردى ماسكەۋگە بەرۋ تۋرالى تالاپ.

«بۇل كەلىسسوز ەمەس! بۇل – قانىشەردىڭ ۋلتيماتۋمى! ەگەر ۋكراينا بۇلاردى ورىنداسا، ۋكراينا دەگەن ەل تۇبىمەن جويىلار ەدى!»، - دەدى زەلەنسكي.

Abai.kz